→ كل الوصفات

الكشرى المصرى الخطييييير

طريقة عمل الكشرى المصرى الخطييييير سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • عصير طماطم
  • 2 كوب عدس بجبه
  • 2 كوب ارز
  • كوب شعيريه
  • باكيت مكرونه خواتم
  • 0.25 كيس مكرونه اسباجيتى
  • 0.25 كيلو حمص
  • معلقه كبيرة توم مفروم
  • السبع بهارات
  • ملح وفلفل
  • كمون
  • معلقه كبيرة خل
  • ورق لورا
  • زيت حسب الاحتياج
  • 3 بصله مقطعه جوليان
  1. لعمل الصلصه في حله ننزل بمعلقتين زيت عليهم معلقه كبيرة توم نشوحها لتكون لونه دهبى نضيف عصير الطماطم يترك ليتسبك كويس نضيف السبع بهارات ملح وفلفل اسود ورق لورا معلقه خل ومعلقه كبيرة كمون
  2. لعمل الأرز حله ننزل معلقتين كبار زيت ونضيف الشعريه ونحمرة وننزل بالرز نشوحهم مع بعض ونضيف كوبين وربع من المياه الساخن وملح وورق لورا تاخد غلوتين ونوطى النار على الهادى ليستوى
  3. العدس حله فيها ميا وكمون وملح وفصين توم ونحط العدس يتسلق
  4. المكرونه حله فيها مياه ساخنه معلقه زيت وملح ونزل المكرونه تتسلق
  5. البصل نقطع البصل جوليان ونعفره بدقيق ونحمرة في زيت
  6. التاتش الأخير ناخد من زيت تحمير البصل معلقه كبيرة نضيفه للأرز تاخد طعم وكمان الصلصه تاخد معلقتين ونضيفهم للصلصه والله أحلى كشري يتاكل
  7. جربوه على ضمانتى وبالهنا
عجبتك الوصفة؟
شوف كل وصفاتنا في مكان واحد
كل الوصفات →