→ كل الوصفات
طريقة عمل الكشرى المصرى كشرى الحلة الواحدة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كوب رز مغسول
- ½ كوب شعريه
- ½ كوب مكرونه صغيرة
- ½ كوب مكرونه اسباجيتي
- ½ كوب عدس اسمر
- كوب حمص
- 3 بصلة كبيرة
- معلقه دقيق
- ملح
- كمون
- زيت للقلى
- كوب صلصة
- صوص الشطه
- فلفل احمر حار
- معلقه شطه بودرة
- شويه خل
- رشه كمون
- فصين توم
طريقة التحضير
- هنقطع البصل رفيع جدا وبعدين نحط عليه معلقه دقيق ورشه ملح ونقلبو كويس ونغلى زيت ونحط البصل لحد ما ياخد لون دهبي ونطلعو على مناديل مطبخ
- وفي نفس الحلة ونفس الزيت هنحط الشعريه تاخد لون وبعدها هننزل عليها بالرز المغسول والعدس المنقوع والمكرونه ونحط عليهم ميه مغليه لحد ما نغطيهم ونحط الملح وكمون
- لما الميه تتبخر هنقلبو ونحطه على نار هاديه يستوى
- هنسلق الحمص في مايه فقط
- والدقه هنحط معلقه خل مع توم مفروم
- صوص الشطه هنحط فالخلاط فلفل احمر حار مع معلقه شطه بودر وشويه خل ورشه كمون وفصين توم ونفرمهم كويس اوى مع بعض
- هنقدم الكشرى بعد ما استوى ونحط عليه الصلصه والبصل والحمص والدقه والشطه وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد