→ كل الوصفات

الكشرى

طريقة عمل الكشرى سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 ونصف كوب رز
  • 2 كوب مكرونة صغيرة
  • 0.5 كيس مكرونة اسباجتى
  • 1 كوب عدس اسود
  • 0.5 كوب شعيرية
  • زيت
  • 2 بصلة مقطعة مكعبات
  • 4 فص ثوم مفروم
  • 6 طماطم معصورة
  • خل
  • ملح
  • كمون
  • كزبرة
  • فلفل اسود
  • شطة (حسب الرغبة)
  • ملعقتين دقيق
  • ملعقتين نشا
  1. لعمل التقلية : نحط البصل وعليه ملعقتين الدقيق ونشا وشوية ملح ونقلبهم مع بعض
  2. نستنى لما الزيت يسخن ونحط البصل ونحمرهم
  3. نقوم بسلق المعكرونة صغيرة ومكرونة اسباجتى نضع عليه الزيت اللى حمرنا فيه البصل ونقلبوا مع المعكرونة
  4. نقوم بسلق العدس
  5. نأخذ الزيت اللى حمرنا فيهم البصل
  6. ونحط شوية في الحلة ونحط الشعيرية ونحمرها وبعدين نحط العدس وبعدين نحط الرز ونقلبهم مع بعض ونحط عليهم الملح والكمون وبعدين نحط عليهم المياه ونغطى عليهم لغاية لما تستوى
  7. الزيت اللى حمرنا فيه البصل هنحط شوية ونحط عليهم الثوم المفرومة ونقلبهم ونحط عليهم شوية خل وبعدين نحط الطماطم المعصورة وبعدين نحط ملح وكمون وكسبرة ونقلبهم مع بعض نسيبها لغاية لما تتسبك
  8. الشطة : نحط الزيت ونسيبوا لغاية لما يسخن وبعدين نحط الشطة ونقلبهم مع بعض وبعدين نحط شوية من صلصة الكشرى ونقلبهم مع بعض ونسبيها تغلى شوية
عجبتك الوصفة؟
شوف كل وصفاتنا في مكان واحد
كل الوصفات →