→ كل الوصفات

الكشري الاسكندراني 😋👍🥰

وتكاته 😉😊مين قال هات كمالة 😍🤗🙋😉 #Mame_Shef #الشيف_الذهبي

  • ½ ك مكرونه أشكال منوعه
  • 2 كوب ارز
  • كوب عدس بجبه
  • 2 بصله مبشورة كشرائح الشيبسي
  • ثوم مفروم
  • ملح وفلفل اسود حسب الرغبة
  • ملعقة صغيرة كمون
  • كسبرة ناشفة
  • عصير ليمونه
  • زيت
  • شطة
  • 2 كوب حمص مسلوق بماء ورشه سكر فقط
  • كوب شعريه
  • 2 م ك صلصه طماطم
  • ك عصير طماطم
  • ½ كوب خل
  1. تسلق المكرونه في ماء مغلي ومعلقه زيت وملح ٤/٣ سلقه ونشيلها من عالنار ونتركها شويه مغطاه تكمل سواها عشان متكسرش ولا تعجن من السوا الزيادة وبعدين نصفيها وفي حله أخرى عالنار بها معلقتين زيت مسخنين ننزلها تاخد تقليبه ونشلها على جنب
  2. ينقع العدس ببوله فيها ماء من بليل ثم يصفي
  3. في حله أخرى على النار نضع معلقتين زيت والشعريه ورشه ملح ونقلبها عشان تتحمر وتاخد لون واحد ثم ننزل بالرز المغسول ونشوحهم ثم يضاف العدس ويقلب ثم الماء ويترك لينضج مثل الأرز العادي
  4. الورد : نحمر البصل في زيت غزير بدون اي اضافات ويرفع على ورق مطبخ ليصفى الزيت الزائد وتكه بقه من تكاتي بحمرة اول حاجه واخد زيت التحمير استخدمه لكل الوصفه بتدي طعم تحفههههه😉
  5. صلصة الكشري : في حله عالنار نضع معلقين زيت ونضيف معلقتين من الثوم المفروم ويتبل ثم ننزل بصلصه الطماطم ونشوحها شويه عشان الماده الحافظه وننزل بعصير الطماطم ونغطيها ونتركهم لتتسبك ثم اضيف الملح والكمون والفلفل الاسود وياخدو غلوة وارفعها من على النار
  6. الشطه: في طاسه نضع نصف كو زيت و٤ م ك شطه واقلب لما تغمق شويه انزل بمغرفتين من الصلصه اللي عملناها وتاخد غلوة وتشيليها أو تعملي نفس الخطوات في بوله على البارد حسب متحبي
  7. للدقه : في بوله نضع ٢ م توم مفروم ونضيف الملح ثم الكمون والكسبرة ونقلبهم كويس ثم عصير الليمون والخل ونقلب ثم كو من الماء المغلي ونقلب كويس ونتركها جانبا
  8. الحمص : نصفي الحمص ونضعه بحله عالنار ومعاه كو من صلصه الكشري ومغرفه من شطه الكشري والدقه وياخد غلوة واشيله من عالنار ونغرف أحلى طبق كشري حسب متحبي وبالهنا 😋😊😍
  9. 👀 ملحوظه: ممكن نستخدم عصير طماطم فقط ونسبكها بدون صلصه الطماطم
عجبتك الوصفة؟
شوف كل وصفاتنا في مكان واحد
كل الوصفات →