→ كل الوصفات
طريقة عمل الكشري المصري الأصيل بتكاته و حركاته 😂❤️😎 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 5 بصلات مقطعه حلقات
- ملعقه دقيق
- ملعقه خل
- كمون
- ملح
- زيت غزير
- كيلو إلا ربع رز
- 1/2 كيلو عدس بجبه
- 1/4 كيلو شعريه
- 1/4 كيلو حمص
- 1/2 مكرونه مرمريه
- مش بحط اسباجتي عشان عندي بتضايقهم ف الاكل لو عايزه حطي عادي 😂
- بصلتين مقطعين صغير
- ملح
- كمون
- 5 طماطم
- ملعقه معجون صلصه
- ثوم مفروم
- ملعقه خل
- كمون
- ملح
- ماء مغلي
- خل
- ثوم مفروم
- ملح
- كمون
- شطه
- 1 فلفل احمر حار
- كبشه صلصه
طريقة التحضير
- نجهز البصله اول حاجه😍😋 في طبق نحط البصل المقطع حلقات و نحط عليه الدقيق و الكمون و الملح و نقلبهم في بعض و نكون مجهزين الزيت سخن و نحط البصل عشان نحمره و نقلبه برفق عشان ينزل كله ف الزيت و نستني عليه شويه و نقلب تاني لحد ما يبقى لونه دهبي نضيف ملعقه الخل ف الزيت و ٣ دقايق و طلعيه😋
- نسلق المكرونه عادي زي ما بنسلقها ماء مغلي و شويه ملح و شويه زيت لحد ما تستوي😁 و بعد ما تتسلق نصفيها و نغسلها بشويه ميه و بعدين نحط عليها ملعقتين من زيت البصل😍و كده تكون جهزت المكرونه😋
- الشعريه ملعقه زيت و نقلب فيها الشعريه لحد ما تتحمر نضيف عليها كوب ماء و ملح و كمون و نغطي عليها لحد ما تشرب الميه و نقلبها و نشوف استوت ولا لأ لو مستوتش ممكن تضيفي شويه ميه كمان🤗و كده خلصت الشعريه
- العدس ناخد شويه من البصل المقطع صغير و نشوحه ف شويه زيت لحد ما يبقى لونه دهبي و نضيف عليه العدس و الميه و ملح و كمون و نخليه لحد ما يستوي خالص 😋❤️
- الحمص طبعاً يكون منقوع شويه كتير لو متنقعش بياخد وقت في التسويه.. نسلقه في شويه ميه و ملح و كمون😋لحد ما يستوي
- الرز بقى بيبقى على حسب الرز نفسه لإن في رز بيحتاج يتنقع و رز لأ ف انتي تشوفي بقى على حسب نوع الرز اللي عندك.. نحمر باقي البصل المقطع صغير ف الحله اللي هنعمل فيها الرز و أما تبدأ تتحمر نضيف عليها ملعقه كبيره كمون و نقلبهم ف بعض و نضيف شويه عدس مش مستوى و نقلبهم و نضيف شويه ميه يغلي غلوتين كده و نضيف عليه الرز و نزود الميه على حسب حاجه الرز اللي عندك و نضيف الملح و نغطي عليه لحد التسويه❤️😍
- الصلصه الثوم المفروم ف زيت ع النار و نقلب لحد ما يبقى لونه دهبي و نضيف عليه ملعقه الخل و نضيف الصلصه و الطماطم المضروبه ف الخلاط و نحط الكمون و الملح و نخليها تغلى شويه ف بعض و نقفل عليها😋
- الدقه هنغلي شويه ميه و نكون مجهزين ثوم مفروم و نضيف عليه الخل و الكمون و الملح و نضيف عليهم الماء المغلي😍
- الشطه المولعه🙄❤️شويه زيت ف حله صغيره أو طاسه و نسخنه و نضيف عليه الشطه و نقلبها تقلبتين و نضيف الفلفل الحار و نضيف كبشه الصلصه من اللي عملناها و بالهنااااا على قلوبكم😍😍😋😋😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد