→ كل الوصفات

الكشري المصري الأصيل

هوايتي الطبخ وتقديم الأكل في صورة ممتازة #الكشري_أصالة_وعراقة_المطبخ_المصري

  • بصل مفروم
  • 3 كوب رز
  • كوبين عدس اسود
  • كوب حمص الشام منقوع من بالليل
  • معكرونة مرمرية واسباجتي
  • كوب شعيرية
  • طماطم معصورة ومتصفية
  • توابل
  • ملح
  • فلفل
  • بهارات
  • زنجبيل بودرة
  • كزبرة
  • كمون
  • شطة
  • خل
  • ثوم مفروم
  1. حضري مكوناتك كلها
  2. حمري الشعيرية في زيت وتأخذ لون غامق شوية وانشليها من الزيت
  3. انزلي بالبصل مكان تحمير الشعيرية وعلى نار عالية قلبي لحد مايحمر وانشليه من الزيت على مناشف مطبخ ووزعيه كويس عشان المناشف تشرب الزيت ويبقى كرسبي
  4. اسلقي المعكرونة بالطريقة العادية
  5. اغسلي العدس كويس وانزلي بيه في حله على النار فيها معلقتين زيت وفصين ثوم صحيح وقلبي تقليبتين وانزلي بمية مغليه عليه وغطيه وسبيه يستوي
  6. الحمص صفيه من الماء وحطيه ا النار بمية تانية ولما يكمل سوى حطي ملح وكمون وليمون وبشرة طماطم ويغلي شوية واطفي
  7. لعمل الصلصة ،، حطي شوية بصل متحمر في حلة مع زيت وانزلي بالطماطم المعصورة وتغلي وبعدين ضيفي كل التوابل وغطيها وسبيها تتسبك
  8. لعمل الشطة ،، حطي زيت وثوم مفروم على النار وتقلبتين وضيفي الشطة وقلبي على نار هادية شوية وبعدين ضيفي الخل وكمون وكزبرة وكنية من الصلصة اللي اتعملت وسبيها تغلي شوية
  9. في نفس حلة تحمير البصل انزلي بالشعيرية والرز والعدس المستوي قلبي وضيفي ملح وكمون ومعيار الماء المغلية عادي
  10. غطيها وسبيه يستوي ويتشرب
  11. قدميه في سرفيس وبألف هنا
عجبتك الوصفة؟
شوف كل وصفاتنا في مكان واحد
كل الوصفات →