→ كل الوصفات

الكشري المصري البيتي بتفاصيله وبالصور خطوه خطوه

طريقة عمل الكشري المصري البيتي بتفاصيله وبالصور خطوه خطوه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • للتقلية:4 بصلات كبار
  • كوب دقيق
  • معلقتين كبار نشا
  • زيت للقلي
  • المكرونة
  • كوب كوب مكرونه اسباجتي
  • مكرونه مرميه صغيره
  • 4 معالق زيت كبار
  • 1/2 معلقه صغيره فلفل اسود
  • 1/2 معلقه صغيره ملح
  • الارز
  • كوب ونص عدس بجبه
  • كوب ونص رز
  • معلقتين زبده كبار
  • 1/4 كوب ميه
  • 1/2 معلقه صغيره كمون
  • ملح
  • ميه حسب الحاجه
  • الصلصه
  • كيلو طماطم
  • 6 فصوص توم
  • معلقتين كبار زيت
  • معلقه صغيره كزبره جافه
  • ملح وفلفل حسب الرغبه
  • معلقتين كبار خل
  • معلقه صغيره سكر
  • ملح حسب الرغبه
  • حمص مسلوق
  1. فالبدايه هنحضر التقليه هنقشر البصل ونزيل الجزء الأمامي من البصله هنقطع الباقي منها طرنشات ونغلفه بالدقيق والنشا
  2. هنحطه فمصفي وننخل الدقيق الزياده وهننزل بيه فزيت سخن
  3. مع متابعه التقليب هيتحمر كله بدرجه واحده هنطلعه على ورق مناديل لتقليل الزيوت وكداا التقليه تكون جاهزه
  4. هنسخن ميه عالنار فحله هنحضر المكرونه وننزل بيها ونقلبها
  5. هخليها تتسلق واصفيها وفالحله هضيف شويه من زيت التقليه وعليه ملح وفلفل
  6. هنزل عليه وهو سخن بالمكرونه واقلبها فيهم كويس جدا وكدا المكرونه جاهزه
  7. اطراف البصل هنقطعها ونغسل العدس ونصفيه
  8. ونغسل الأرز ونصفيه حله عالنار هنضيف الزبده تسخن وعليه البصل
  9. هنقلبه لما يذبل خالص هنزل عليه بالعدس واقلبه كويس
  10. هنزل بنص معلقه صغيره كمون ونص كوب ميه واقلبهم ونغطيه على نار هادي يتشرب بعدها هنضيف عليه الأرز ونص معلقه صغيره تاني من الكمون ونظبط ملح
  11. ونضيف ميه تغطيه هنقلبه ونغطيه يتشرب
  12. هفتح عليه اقلبه واهدي النار واغطيه يكمل تسويه وكدا الأرز يبقى جاهز
  13. الصلصه هنغسل الطماطم ونضيفها فالخلاط مع التوم نضربهم كويس اوي وحله عالنار هنضيف فيها معلقتين الزيت من تقليه البصل يسخن
  14. هنضيف فيه الكزبره الجافه وعليه الصلصه هخليها عالنار تتسبك
  15. هضيف الخل والملح والسكر واضبط الطعم وكدا تبقى جاهزه بالدقه منها فيها وممكن استبدال الخل بالليمون
  16. للتقديم هضيف فطبق الأرز الأول وبعدين المكرونه وعليهم الصلصه
  17. والحمص والتقليه ويتقدم سخن بالهنا 💪✋
عجبتك الوصفة؟
شوف كل وصفاتنا في مكان واحد
كل الوصفات →