→ كل الوصفات

الكشري المصري الجامد اوي

#فخر_العرب

  • 3 كوب ارز
  • كوب شعيرية
  • 1/4 كيلو معكرونه سباغيتي
  • 1/4 كيلو معكرونه صغيرة
  • 1/4 كيلو عدس بجبه
  • 1/4 كيلو حمص الشام
  • كيلو طماطم
  • كيلو بصل ابيض
  • ملح حسب الرغبة
  • كمون وفلفل اسود
  • معلقه ثوم مفروم للصلصه
  • زيت
  • كوب خل
  • 3 قرن فلفل حامي
  • 6 فصوص ثوم كبار
  • معلقه صغيره كمون
  • رشة ملح
  1. نقشر البصل ونقطعه بقطاعه الشيبسي السميك ونحمره في زيت سخن غزير لحد ما لونه يبقى ذهبي ويطلع على مصفاه عشان يبقى مقرمش
  2. نعمل رز بشعيريه بالزيت عادي جداً مع اضافه ملعقة صغيرة كمون
  3. نسلق المعكرونه ونصفيها ونسلق العدس مع اضافه ملح وكمون
  4. ننقع الحمص من قبلها بساعتين على الاقل ونصفيه ونسلقه مع اضافه ملح وكمون
  5. لعمل الصلصة نشوح ملعقة ثوم مفروم في الزيت على النار ونضيف عصير الطماطم يتسبك ونضيف ملعقة سكر وملح وفلفل وكمون
  6. كده الكشري بقي جاهز ونبتدي نرص الطبق بتاعنا نبتدي بالرز بشعيريه وبعدين المعكرونه ثم العدس والصلصة والحمص والبصل ويقدم مع الدقه المخصوصه والشطه
  7. لعمل الدقه نضرب الثوم والكمون والفلفل ورشه ملح في الكبه وبعدين نضيف الخل ويقدم وممكن نقطع فيه مكعبات طماطم
عجبتك الوصفة؟
شوف كل وصفاتنا في مكان واحد
كل الوصفات →