→ كل الوصفات
#الشيف_الذهبي
المقادير
- 2 كوب ارز
- 1/4 كيلو عدس اصفر
- 2 كوب ماء مغلي
- 2 ملعقة ملح صغيرة
- 1/4 كيلو عدس بجبة و حمص شام
- 1/2 كيلو طماطم طرية
- 2 بصلة وسط
- 2 ملعقة كبيرة دقيق و نشا
- 2 راس ثوم كبيرة
- طماطم جامدة وفلفل اخضر
- ملح
- شطة
- خل
- كمون
- 1/2 كيلو معكرونة مشكلة اسباجتي وخواتم
- 1/4 كيلو شعيرية
طريقة التحضير
- اولا لعمل ارز الكشري هنحتاج ارز و عدس اصفر و ماء مغلي و ملح و زيت
- لعمل المعكرونة ماء مغلي بة ملح وةخل و زيت و نصفيها و نضع إناء نحمر الشعيرية لحد ما تأخذ لون ذهبي حلو و ننزل بماء مغلي و ملح و نصفيها لما تستوي
- لعمل العدس بجبة ينقع ليلة كاملة و نصفية و نضع في ماء مغلي بدون اي اضافات و اهم حاجة أنة ميتقلبش خالص لحد ما يستوي نصفية و نضع عليه خليط مكون من ملح و كمون و كزبرة ناشفة مطحونة و هيبقي جاهز للاكل
- لعمل حمص الشام ينقع ليلة كاملة و يضع في ماء مغلي بدون اي اضافات و اهم حاجة ميتقلبش يعنى متجيبيش ملعقة و تفضلى تقلبي غلط و مش هيستوى بسرعة و اول ما يستوي تصفية و نضع عليه خليط من الملح و الشطة و الليمون حسب الرغبة و ممكن تسيبية زي ما هو
- لعمل البصل المحمر أو زي ما بنقول عليه الوردة 😂 الطريقة دى من اشهر محل في الاسكندرية بمصر بنجيب البصل و يكون مش مبلول و القطاعة تكون مش مبلولة ونقطع البصل حلقات رفيعة خالص و نرش عليه دقيق و نشا فقط و نسيبة خمس دقائق لحد ما الزيت يسخن و ننزل بية في الزيت و نفضل نقلب لحد ما تأخذ اللون و نطلعة في مصفى مش على ورق مناديل يطلع على مصفى و نرش عليه الملح
- لعمل السلطة هتجيبي ثوم مثلا خمس فصوص كبار تفرميهم على ايدك و تحطى عليهم ملح و شطة و تقطعى الطماطم مكعبات صغيرة و فلفل اخضر مكعبات صغيرة و تقلبيهم مع بعض و تحطى مياه كتير شوية و تحطيها في الثلاجة و تتقدم باردة
- لعمل الصلصة اهم حاجة الثوم و الخل بنشوح شوية ثوم كتير و ننزل عليهم بالخل و الصلصة و شوية ملح و فلفل لما تتسبك نضيف مياه مغلية و نتركها تغلى لحد ما تأخذ قوام سميك مش خفيف ولو عايزة تعملى الشطة بتاخدى معلقتين تلاتة من الصلصة و تضعى عليهم ٣ معالق شطة و يغلو مع بعض
- لعمل الدقة في كذا طريقة اسهل حاجة بعملها الى على البارد بجيب الهون و بضع فية الثوم و ملح و كمون و شطة على حسب الرغبة و بدقهم مع بعض و بعد كدة بحط ليمونة و ادق و بعد كدة احط نص كوبابة خل و ربع كوب ماء و بتتقدم
- و في الاخر بتقدمى الكشري زي بتاع المحلات و احلى لانة بإيدك و بحبك و النظافة من عندك و بالشكل الى تحبية جددى مش شرط الشكل التقليدى
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد