→ كل الوصفات
#وصفات_بالارز #فريق_الأمل
المقادير
- 2 بصله كبيره الحجم
- 2 ملعقه كبيره دقيق
- 1 ملعقه كبيره نشا
- رشه ملح
- رشه فلفل اسود
- 1 كوب أرز مصري
- 1 كوب شعيرية
- 5 ملاعق زيت من اللي هنحمر فيه البصل
- رشه ملح
- 2 ونصف كوب ماء مغلي
- 1/2 كيلو معكرونه مشكله
- 2 لتر ماء مغلي
- 2 ملعقه زيت من اللي هنحمر فيه البصل
- 1 ملعقه ملح كبيره
- 1/2 كيلو طماطم
- كيلو عدس بجبه
- كيلو حمص كشري
- ثوم
- رشة كمون
- ملح حسب الرغبة
- خل
- باكو بيكنج بودرة
- 4 ملاعق كبيره سكر
طريقة التحضير
- أولا هنبدأ بالبصل: هنقطع البصل أنصاف حلقات وبعدين هنضيف للبصل الدقيق والنشا والملح ورشه فلفل اسود ونقلبهم كويس عشان نفكك الحلقات من بعضها ويتغلف تماما بالدقيق.ملحوظه:النشا بتخلي البصل كرسبي ومقرمش
- بعد كدا بنحمر البصل في زيت ساخن وبلاش تطلعيه على مناديل مطبخ عشان ميبقاش طري
- ثانيا: الأرز في حله هنحط ٥ ملاعق زيت كبار من اللي حمرنا بيه البصل وهنضيف الشعيرية ونحمرها كويس وبعدين نضيف الأرز والماء المغليه ونضبط الملح ونسيبه يستوي
- ثالثا :العدس في ماء مغليه وملعقه زيت من نفس بتاع تحمير البصل وملعقه صغيرة كمون ونغطيه على النار ونسيبه يستوي
- رابعا: الحمص هنغلي ماء ونحط فيها ملعقتين كبيرتين من السكر وباكو بيكنج بودرة هيحصل تفاعل بين السكر والبودر وبعدين نضيف الحمص ونحطه على النار ودا لو ماكنش الحمص منقوع من قبل كدا الطريقه دي هتخليه يستوي بسرعه
- خامسا: المعكرونه هنغلي ماء على النار وأول ماتغلي هنسقط المعكرونه ونضيف لها ٢ ملعقه كبيره من زيت تحمير البصل وملعقه ملح
- ونحطهم في حله ونضيف ليهم عصير الطماطم ورشه فلفل اسود وملح بصل بودرة وملعقه سكر كبيره ونسبها تستوي وبعدين نضيف ليها ملعقه كبيره خل
- سادسا: لعمل الصلصة والدقه معا هنفرم حوالي ٨ فصوص ثوم وبعدين نحمرهم في شويه زيت من بتاع تحمير البصل بعد كدا هنقسمهم نسيب شويه في الطاسه ودول هنضيف ليهم كوب ماء مغلي ونصف ملعقة صغيرة كمون وملعقه كبيره خل وملح حسب الرغبه وبكدا تكون الدقه جاهزه.أما باقي الثوم هنخدهم
- في طبق التقديم هنحط طبقه ارز وبعدين طبقه معكرونه ثم طبقه ارز اخرى ثم طبقه معكرونه وبعدين نحط صلصة وبعدين العدس ثم الحمص وأخيرا البصل وبألف هنا ومتنسيش تدعيلي دعوه حلوه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد