→ كل الوصفات

الكشري المصري زي بتاع المحلات

بطريقة الشيف فاطمة ابو حاتى واحده واحده بالخطوات

  • عدس
  • رز ابيض وشعيرية
  • كيس معكرونة سباجيتى ومكرونة صغيرة
  • 2 حبات بصل شرايح
  • دقيق
  • ملح وفلفل
  • شطة
  • م ص كمون
  • كزبرة ناشفة
  • خل
  • طماطم وصلصة
  • 2 فصوص ثوم مفروم
  1. هنسلق العدس في مياه وملح وكمون ورشة شطة وبعدين نصفى العدس وناخد المياه
  2. هنقطع البصل حلقات ونحط عليه مياه ودقيق
  3. هنسخن الزيت ونحط البصل ونخفف النار ونسيبة يستوي براحته بعدين نطلعه وناخد الزيت
  4. للرز هنحط من زيت البصل ومياه العدس ونعمل الرز بيهم
  5. المعكرونة هنسلقها عادي ونحط معاها برضه من زيت البصل ومياه العدس
  6. الصلصة هنحط حبة من زيت البصل ونحط بصل مفروم يتصفر وننزل عليه بثوم مفروم وبطماطم معصورة وصلصة وحبة من مياه العدس وملح وفلفل اسود وكزبرة وكمون
  7. للدقة هنحط من زيت البصل في طاسة معاها ملعقة شطة ونحمر الشطة في الزيت وبعدين ٥ ملاعق من الصلصة اللي عملناها قبل كده
  8. دقة الخل والثوم كوب ماء مع نص كوب خل وعصرة ليمونه وثوم مفروم معاها ملح وكزبرة وكمون ورشة شطة
  9. اخر حاجة العدس هناخده تقليبتين مع زيت البصل وثوم مفروم وكمون وملح وكزبرة ورشة شطة
  10. الفكرة ان كل دهن هنستبدله بزيت قلية البصل وكل مياه هنستبدلها بمياه سلق العدس وبيطلع الطعم قريب جداً من بتاع المحلات
عجبتك الوصفة؟
شوف كل وصفاتنا في مكان واحد
كل الوصفات →