→ كل الوصفات
#عيش_وملح
المقادير
- ¼ كيلو عدس بجبه
- ¼ ك حمص
- كيلو طماطم معصوره ومتصفيه
- بصله متوسطه مقطعة
- 3 معالق سمنه كبيره اوي
- 6 معالق زيت كبيره
- ملح
- فلفل اسمر
- كمون
- كوب الاربع شعيرية
- كوب ونصف رز عايرتهم بالكوب الاستانلس
- 4 تومات مهروسين
- لتر ونصف ماء
- كيس معكرونه
طريقة التحضير
- اول مرحله اسلق العدس بجبه في اللتر ونصف ماء عالعين الوسط تغلي اخفف شويه لحد ما تستوي اصفيها واركنها هيا والماء ماترميهاش ميتها
- اسلق الحمص
- الزيت عالسمنه عالبصله على النار العاليه لحد ماتاخد لون واقلب عالجناب بالراحه وبس لحد ماتتحمر واصفيها واركنها هيا والزيت عالسمنه لان منهم هعمل بقية الكشري كلوووو
- مقدار من الزيت عالسمنه السابق احمر فيه الشعيرية وعليه الرز بعد غسله وينشف ويخرفش كويس اووووي احط ماء غلي العدس بجبه وملح وفلفل اسمر ولحد مايستوي واتشرب وقرب يخلص احط العدس على الوجه كلو واغطي واسيبوا يكمل سوا وبعدين اقلب كويس واسيبوا يكمل سوا وممكن معاه الحمص كمان وممكن على الوجه
- الصلصة مقدار من الخليط الزيت عالسمنه السابق والثوم المهروس والكمون واقلب لحد ما يتحمر الثوم واحط الطماطم وتغلي احط الفلفل الاسمر واخفف لحد ما تتسبك خالص ازودها ماء وملح وتغلي واقفل عليها
- المعكرونه تتسلق عادي جداً في ماء مغليه بملح ولما تستوي وتتصفى اقلبها ببقية الخليط الزيت عالسمنه السابق
- الشطه هتحمري شطه في ملعقة زيت وتحطي الصلصة وتزوديها ماء تغلي تقفلي عليها
- الدقه على النار ماء وثوم وملح وليمون وكمون ورشه خفيفه كزبره مطحونه وتغلي شويه وتقفلي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد