→ كل الوصفات
#طبخات_امي
المقادير
- 0.25 كيلو ارز مصري
- 0.25 كيلو عدس بجبة
- كيس معكرونة سباغيتي
- كيس معكرونة تحمير
- 4 بصلات متوسطة يقطعو دوائر "حلقان"
- 0.25 كيلو حمص منقوع
- 2 طماطم كبيرة
- بصلة
- رشة كمون بعد ما نطفي
- ملح حسب الرغبة
- كيلو طماطم
- ملعقة ثوم مفروم
- ملعقتين صغيرة خل
- ملح حسبب الرغبة
- 0.5 ملعقة ثوم مفروم
- كوب الا ربع ماء
- 4 ملاعق خل
- 0.25 م كمون
- 0.25 م كزبرة
- 0.5 ليمونة
- 0.25 ملعقة ملح او حسب الرغبة
- 0.25 كيلو شعيرية
- كوب ونصف ماء
- 3 ملاعق زيت للتحمير
طريقة التحضير
- اول حاجة نبتدي بيها هي التقلية :في زيت غزير ننزل بالبصل المقطع حلقات ونقلي الكمية كلها وبعد ما نخلص نطلعه على مصفي يصفي والزيت بتاع التقلية هنستخدمه في عمااايل الكشري
- نسلق المكرونات مع بعضها عادي بش نخلي بالنا منها ومحطلها ملح وزيت في ماء الغلية وبعد ما تستوي نصفيها تماما وندهنها بالزيا
- نيجي للرز بالعدس بتاع الكشري🤩 اللي كلنا بنحبه بقي 😍 نحط حلة وفيها شوية زيت من بتوع التقلية 😉 وننزل بالبصلة اللي قطعناها يادوب تذبل بس وننزل بالعدس ونقلب وبعد كدا ننزل بالماء بكوبين ماء ونملحه بسيط ونغطيه ونسيبه يستوي ويشرب الماء كلها وبعد ما ينضج نحط الرز اللي غسلناه كويس ونقلبه ونسقيه تاني زي ما بنسقي الرز العادي نغطي وشه بس بالماء
- نيجي للصلصة : في حلة فيها شوية زيت من بتوع التقلية 😂😉 يقدحو وننزل بالثوم المفروم يصفر بس وننزل بالخل ونقلب وننزل بالطماطم اللي خلطناها كويس ونملحها بسيط ونسبها تسبك بقي وخودي باالك انك لو ملحتيها مظبوط حتى ممكن بعد ما تتسبك تبقي حدقة فملحيها بسيط وان احتاحت ضيفي
- نيجي للحمص: العشق دا بقي 😋🤩 نحط لترر ونصف ماء في حلة واول ما تغلي ننزل بالحمص والطماطم والبصلة وفصين الثوم المفرومين ونسيب الكلام دا يغلي مع بعضه كدا لغاية ما يستوي وبعد ما يخلص سوي نطلع الطماطم نهرسها بشوكه وننزل صلصتها في الحمص ونحط فص الثوم الباقي
- الدقة بقي 🤩 نخلط المكونات بتاعة الدقة اللي انا كتبتها فوث دي مع بعض كويس اوي ولو احتاجت ملح او حاجه ظبطيها بقي على مزااجك
- ننزل بشوية زيت من زيت التقلية 😉 وننزل بالشعيرية وتتحمر وتصفر ونسقيها بكوبيتين ماء او كوب ونصف وننزل بالملح ونسيبها تتشرب وتستوي
- للتقديم بقي 😋 نجيب طبق ، نحط طبقات من كلا من ١ المكرونات ٢ الارز بالعدس 3 الشعيرية ٤ الصلصة ٥التقلية ٦حبات الحمص وتقدم بجانبها طبق صغير من الدقة والشطة 😂
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد