→ كل الوصفات

الكشري المصري في حله واحده

من غير مواعين كتير😅 وطعم ممتاز يستحق التجربه🤗

  • كوب أرز مغسول ومتصفي
  • كوب شعيرية
  • كوب معكرونه مرمريه
  • كوب معكرونه سباغيتي
  • ½ كوب عدس بجبه منقوع ساعتين في ماء ساخن
  • كوب صلصه طماطم من اللي اتعملت في الوصفه
  • ملعقه كبيره شطه او حسب الرغبه
  • ملعقة صلصة طماطم (معجون طماطم)
  • ½ كوب خل
  • نص كوب ماء
  • معلقتين كبار زيت
  • معلقه كبيره ثوم مفروم
  • ½ كوب خل
  • ½ كوب ماء
  • ملح
  • كزبره ناشفه
  • كمون
  • لتر عصير طماطم
  • معلقتين كبار زيت
  • معلقه كبيره صلصه
  • معلقه كبيره ثوم مفروم
  • ملح وفلفل
  • كمون
  • كزبره ناشفه
  • بصل متقطع جوانج
  • معلقه كبيره دقيق
  • معلقه كبيره نشا
  • رشه ملح
  1. الاول هنبدأ بالبصل عشان نكمل الوصفه بالزيت بتاع البصل هاتي البصل وضيفي عليه الدقيق والنشا والملح واخلطيهم كويس وحمريه في الحله اللي هتعملي فيها الكشري للون الذهبي وخرجيه على مناديل مطبخ
  2. الحله اللي فيها الزيت مكان البصل صفي الزيت وسبيه في بوله واستخدمي منه في بقيت الوصف عشان ده سر الطعم الجميل
  3. ضيفي شويه زيت في الحله وانزلي بالشعيريه وحمريها وبعدين انزلي بالأرز وقلبي وبعد كده انزلي بكل المعكرونه والعدس وقلبيهم كويس مع بعض وضيفي البهارات والماء المغلي وغطي عليه وسبيه يستوي
  4. الصلصة البارده حضري حله على النار وفيها الزيت والثوم وحمريه وانزلي بعصير الطماطم والصلصة والبهارات وقلبي وسبيها تستوي وتتسبك شويه وبعدين اطفي عليها
  5. الدقه الحاره هاتي حله وضيفي فيها كوب من الصلصة اللي اتعملت فوق دي👆وضيفي الشطه والخل والماء والصلصة وسبيها دقيقتين تغلي واطفي النار عليها
  6. دقه الثوم والخل هاتي حله على النار وفيها الزيت وتنزلي بالثوم حمريه مش اوي لون ذهبي خفيف وبعدين ضيفي الخل والماء والبهارات ودقيقتين واطفي النار عليها
  7. وبكده الوصفه تكون خلصت ومعلش بقى لو طولت عليكم😅 بس حبيت اوضحلكم الطريقه واتمني تجربوه ويعجبكم وقولولي رأيكم أشوفكم على خير🧡🧡
عجبتك الوصفة؟
شوف كل وصفاتنا في مكان واحد
كل الوصفات →