→ كل الوصفات

الكشري المصري وصلللل 😋😋

طريقة عمل الكشري المصري وصلللل 😋😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس عدس اسمر 400 جرام
  • 4 بصلات اصفر
  • 3 كيس معكرونه معكرونه منوع مقصوصه ومريميه واسباجيتي
  • راس ثوم
  • كيلو طماطم
  • 2 كوب أرز مصري
  • كيس شعيرية
  • زيت ذره
  • ملح وفلفل
  • كمون
  • كزبره
  • بابريكا
  • قطعه زبده صفرا صغيرة
  • قالب مرقه خضروات
  1. اغسل العدس واغلى ماء واسلقه في ملعقة كمون لمده خمس دقائق واطفي عليه واتركه في الماء واغطيه
  2. احضر حله فيها زيت ذره واكون مقطعة البصل الأصفر جوانح ورشه عليه ملح بسيط
  3. ملحوظه ميكونش فيه ماء خالص
  4. احمره لحد ما يبقى لونه ذهبي ومقرمش اطلعه على ورق مطبخ واتركه في الهواء
  5. في نفس الحله وفي نفس الزيت احمر كيس الشعيرية لون ذهبي وارفعهم على جنب في طبق بره للسهوله صفيها بمصفاه وارجعي حطي الزيت في الحله تاني
  6. في الزيت احمر بصله مفرومه بشويه كزبرة ناشفه وانزل بالعدس بعد ما اصفيه من الماء واشوحهم وانزل بفصين ثوم مفرومين ناعم
  7. اكون غسله الأرز كويس وانزل بيه على العدس بالثوم والبصل واشوحهم كويس واضع ملح وبابريكا وكزبره وكمون وقالب مرقه خضروات 😉😉 لحد ما تحسي انهم قرمشوا
  8. اكون غاليه ماء وانزل بالماء على الأرز والعدس واغطيهم بالماء
  9. لاختبار مقدار الماء أضع ملعقة في نصف الحله والماء تغطي الجزء الاسفل تماما
  10. بعدها بخمس دقائق انزل بالشعيريه المحمر ه وقطعه زبده صفرا صغيرة واقلب واتركهم على نار هادئه على أصغر عين في البوتاجاز
  11. لعمل الصلصة المعتبره
  12. كيلو طماطم مغسوله ومقطعه مربعات ومضروبه في الخلاص مع ٥ فصوص ثوم وبصل صغيرة وملعقتين صلصة واصفيهم
  13. احضر حله فيها زيت واكون فرمه بصله وفصين ثوم واشوحهم بمعلقه كزبرة وانزل بالصلصه المصفيه واتبلها بالملح والكمون وملعقتين خل واتركهم على نار هادئه
  14. المعكرونه أغلى ماء وفيها ملعقة كمون وملح وملعقتين زيت للسلق وانزل واتابعها كويس لمده عشر دقائق او حسب نوع المعكرونه ومتتسواش اووي عشان متعجنش واصفيها ومعلقه زيت عليها في حله واتركها ويفضل المعكرونه قبل التقديم مباشره
  15. الدقه وحلاوتها: ٥ فصوص ثوم مفرومين ناعم ونص كوب ماء وخل وعليهم كمون وملح فقط
  16. يقدم في طبق عميق أرز وعليه المعكرونه وملعقتين صلصة والبصل المحمر على الوجه
  17. وبألف هنا وصحه وعافيه على قلوبكم يا احلى متابعين
  18. ملحوظات ممكن نأخذ شويه صلصة وعليهم معلقتين شطه حاره على جنب انا في وصفاتي دايما مبحطش شطه حاره وتركها حسب الرغبه لوجود أطفال او كبار سن وفي ناس مبتحبش الشطه 😟
  19. والدقه بردوا مبضعهاش في التقديم بضعها في طبق جانبي حسب الرغبه
  20. جربوه وقولولي رأيكم يا أحلى متابعين 🌹👍
عجبتك الوصفة؟
شوف كل وصفاتنا في مكان واحد
كل الوصفات →