→ كل الوصفات
#طبخات_امي
المقادير
- 1/4 كوب عدس بجبه (بنى)
- 1/4 كوب حمص
- 1/2 كيلو معكرونه نوع واحد أو اتنين
- 1 و1/2 كوب رز مصري
- 1/4 كوب شعيرية
- 1 بصله مقطع جوليان
- 1/2 كيلو عصير طماطم
- رشه ملح وفلفل
- رشة كمون
- 1 معلقه صغيره ثوم مفروم
- 2 معلقه كبيره خل وزيت
طريقة التحضير
- نسلق العدس في شويه ماء على النار والحمص والمعكرونه كل حاجه لوحدها
- لتحضير الرز / نحمر الشعيرية في شويه زيت أو سمنه ولما تأخذ لون ننزل عليها الرز المغسول والمتصفى ونشوح فيه لحد مايسخن ننزل عليه شويه ملح ونقلب ثم نضيف ماء مغلي قد الرز ونقلب ونسيبه على نار عاليه لحد مايتشرب ثم نهدى النار ونغطي لحد مايستوى
- لتحضير الصلصة / نشوح ثوم مفروم في شويه زيت اول ماريحته تطلع ننزل عليه شويه خل ثم عصير الطماطم وملح وفلفل وكمون ونقلب ونغطي لحد ماتتسبك شويه
- الورد / البصل الجوليان نضع عليه رشه دقيق نقلبه فيها ونحمره في زيت ساخن
- الدقه على البارد / نضع كمون وعصير ليمون وملح وخل وكزبره ناشفه وشويه ماء ونقلبهم
- نضع طبقه الرز الأول ثم العدس ثم المعكرونه والحمص ثم الورد والصلصة على الوجه ويقدم بجانب الصلصة والدقه أكله مصريه شعبيه سهله ولذيذه وبالعافيه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد