→ كل الوصفات

الكشري المصري

طريقة عمل الكشري المصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 6 بصلات مقطعين شرائح
  • كوب عدس اسود
  • كوب ونص مكرونة صغيرة
  • كوب ارز
  • ½ كوب شعرية
  • اتنين طماطم معصورين
  • معلقة صغيرة توم
  • معلقتين كبار خل
  • معلقة صغيرة مليانة كمون
  • معلقة صغيرة مليانة فلفل اسود
  • معلقة صغيرة مليانة كسبرة
  • ملح
  • زيت غزير
  1. في بولة صغيرة بنحط الكمون والفلفل الاسود والكسبرة مع بعض... بنسخن طاسة كبيرة او حلة ونحط فيها زيت غزير ونحمر فيه البصل ونقلبه من الوقت للتاني لحد مايحمر من جميع الاتجاهات ونطلعه يتصفي
  2. في حلة بنحط العدس مع ماء كتير ويتسلق نص سلقة وبرضه في حلة تانية فيها ماية كتير نحط المكرونة تتسلق
  3. الزيت اللي حمرنا فيه البصل بناخد منه ونحطه في حلة ونحط الشعرية ونقلبها لحد مايتحمص وبعدين نحط الارز ونقلب وبعدين نصفي العدس ونقلب ونحط مية العدس اللي اتسلق فيه ولو احتاج مية بنزود مااحتاجش خلاص ونقلب وبعدين نحط معلقة صغيرة مليانة ونص من البهارات اللي قلبناها مع بعض واول مايغلي نوطي عليه ونسيبه لحد مايستوي
  4. في حلة بنحط شوية من زيت اللي حمرنا فيه البصل ونقلب فيه المكرونة المسلوقة وعليها شوية بهارات من اللي قلبناها مع بعض... في حلة بنحط زيت من اللي حمرنا فيه البصل ونحط التوم ونقلب وبعدين الصلصة وشوية مية والخل ومعلقة صغيرة من البهارات وملح واول ماتغلي نوطي عليها ونسيبها لحد ماتتسبك
  5. في طبق بنحط الارز والعدس وعليه المكرونة وعليه البصل ونرش عليه الصلصلة والف هنا
عجبتك الوصفة؟
شوف كل وصفاتنا في مكان واحد
كل الوصفات →