→ كل الوصفات
طريقة عمل الكشري المصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كوبين أرز مصري
- كوبين معكرونة صغيرة
- كوب عدس اسود منقوع
- كوب حمص مسلوق اختياري
- 1/2 كوب شعيرية
- بصلتين كبار مقطعين جوليان
- للصوص الاحمر
- ملعقتين كبار ثوم مفروم حوالي
- كوبين عصير طماطم مع ملعقة كبيرة صلصة
- ملعقة كبيرة خل
- ملح
- كمون
- قليل من الفلفل الاسمر
- ملعقة صغيرة شطة بودرة
- للدقة
- ملعقتين كبار ثوم مفري
- قرن فلفل حار او اتنين حسب الرغبة
- عصير ليمونتين
- ملعقة خل كبيرة
طريقة التحضير
- اول خطوة انا بعملها وبتدي طعم للكشري أني بحمر البصل في الزيت حوالي ربع كوب زيت لحد البصل مايتحمر ويكون لونه غامق اشيله من الزيت في مصفاه
- في حلة اخد قليل من زيت تخمير البصل واحمر فيه شعيرية لحد ما لونها يغمق شوية أضيف لها الأرز والملح والماء وأول مايغلي اخفف عليه لحد مايستوي
- على ما الرز يستوي نولع على العدس انا بسلقه بميه وملح وكمون وملعقتين زيت من زيت تخمير البصل بيدي له طعم وأول مابستوي بصفيه وأغطيه لحين الاستخدام
- نسلق المعكرونة في ماء وملح واضيف لها ملعقة زيت من بتاع تخمير البصل
- الصوص الاحمر. في طاسة على النار ملعقتين زيت نفس الزيت تحمر فيه الثوم لحد مايصفر نضيف عليه الخل وعصير الطماطم والصلصة والملح والفلفل السمر والكمون وممكن قرن فلفل حار او الشطة البودرة وممكن الاتنين لحد ماتغلي وقوامها يتقل
- الدقه. في الخلاط الثوم والفلفل وعصير الليمون والخل والملح والكمون وشوية ماء حوالي كوب ونشغل الخلاط لحد ما تتجانس الخليط ويستخدم في ناس بتحطه على النار غلوة لكن كده طعمه احسن
- عند التقديم نغرف الأرز وفوقه العدس وفوقه المعكرونة وفوقه الحمص وفوقه البصل وقليل من الصوص الاحمر والدقة وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد