→ كل الوصفات
#الكشري #المصري
المقادير
- 1/2 كيلو معكرونه اسباكتي
- 1/4 كيلو معكرونه صغيرة
- كوباية رز
- كوب شعيرية
- 1/2 كوب عدس بجبه
- بصله كبيره مقطعة طرنشات (عصافيري)
- صلصه
- حمص الشام مسلوق
طريقة التحضير
- بعد ما نقطع البصله نقلبها في شويه دقيق ونحمرها في زيت سخن
- نسلق العدس وبعد ما يستوي نحط الملح
- نسلق المعكرونه مع بعض وبعد ما تستوي ننقلها في حله تانيه فيها شويه زيت اللي حمرنا فيه البصله 😉 ونقلب المعكرونه مع شويه ملح وفلفل أسود
- نعمل رز بشعيريه عادي (نحمر الشعيرية في الزيت اللي حمرنا فيه البصله 😉)
- الصلصله (شويه زيت من اللي حمرنا فيها البصله ، نشوح ملعقة ثوم مفروم ولما تصفر نحط ملعقة خل كبيره وبعدين ننزل بالصلصة، عليها مكعب ماجي وملح وكمون)
- الحمص نسلقه لحد ما يستوي
- التوميه (نشوح الثوم عليهم شويه خل ونزود ماء وكمون وليمون وشطه)
- ملحوظه مهمه (الزيت اللي حمرنا فيه البصله) هنأخذ منه للرز وللمكرونه وللصلصه، عشان طعم الكشري كله يبقى واحد 😉❤ و بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد