→ كل الوصفات
#أطباق_مصرية_أصيلة #الشيف_المصري #وصفات_بالطماطم انا عارفه ان بصل لونه اغمق مني شويه سوري🙈🤣
المقادير
- ميكس 1/2 كيس معكرونة سباغيتي و1/2 كيس من معكرونة مقصوصة
- ماء كافيه للسلق
- رشه ملح كبيرة
- م ك زيت
- كوب عدس بجبة منقوع ومصفى
- 2 كوب رز مصري مغسول
- 1/2 كيس شعيرية
- م ك او 2 زيت من اللي حمرنا بيه البصل
- 1/2 (1 م ص) ملح
- ماء تكفي لتغطيه رز
- 2 بصلة مقطعة حلقات ونفصلهم عن بعض
- 2 م ك دقيق
- م ك نشا
- زيت كافي للقلي
- كوب حمص منقوع ليله كامله على الاقل ساعتين
- ماء كافي للسلق
- 2 فص ثوم مهروس
- رشه ملح
- رشه كمون
- 1/2 كيلو طماطم مضروبة في الخلاط
- م ك صلصه
- 2 فص ثوم مهروس
- 1/4 كوب ماء
- م ك خل
- م ص ملح
- م ص شطة
- م ص ثوم مفروم
- م ص شطة
- 2 م ك زيت نباتي
- 1/2 كوب خل
- كوب ماء
- رشة ملح
- م ص كمون
- 1 حبه فلفل رومي او حار مفروم
- م ص كزبرة ناشفة
- م ص ثوم مهروس
- م ص كمون
- رشه ملح
- م ص كزبرة ناشفة
- م ك عصير ليمون
- 1/2 كوب خل
- كوب ماء
طريقة التحضير
- هنسلق المعكرونة في ماء مغلي فيه ملح ونصفيها على جنب ولما الكشري كله يستوي وقبل الغرف بدقائق هنجيب حله هنحط فيها زيت ونحط المعكرونه تسخن وتأخذ لمعان بسبب زيت
- وعلى جنب هنجيب بولة هنخلط دقيق مع نشا ونحطهم في كيس ونحط بصل ونرج الكيس كويس اوي وبعدين نطلع البصل على جنب ٥ دقائق ونسخن زيت ونقلي بصل لحد ما لونه يكون ذهبي
- هنصفي بصل لاما بمصفاة ضيقه لاما هنطلعه على ورق مناديل مطبخ ناشف (انا عارفة البصل اغمق مني شويه بسبب ظروف عندي بس ركزت فيها)
- نأخذ حبه من زيت اللي قلينا البصل فيه نحطه في الحله ونحط ماء ولما تغلي هنحط العدس بجبة ونسيبه يستوي في حاله انه اتشرب ولسه ماستواش هتزود شويه ماء صغيرين
- وعلى جنب هنجيب طاسه فيها سمنه او زيت ونحمر الشعيرية ولما العدس يستوي هنحط الشعيرية والرز المغسول وملح و شويه ماء يغطي مستوي الرز ونسيبه يتشرب وبعدين هنوطي على نار ونسيبه يستوي مع تقليب من وقت لاخر
- هنضرب طماطم في شويه ماء صغيرين في الخلاط وبعدين هنجيب حله فيها زيت ونحط الثوم واقلب ولما يصفر وريحته تفوح هحط ملعقة كبيرة خل و احط عصير طماطم وم ك صلصة وملح وشطة واسيبه يغلي ولما يغلي لوحسيت صوص تقيل اخففه بشويه ماء واسيبه يغلي تاني واقفل عليه
- نيجي بقى للحمص هسلقه في ماء وثوم مهروس و ملح وكمون لحد ماينضج واحسه طري وممكن ماتصفيهوش من ماء دي لاننا ممكن بدل مانعمل دقة نستخدمه ك دقه
- بالنسبه للدقة السخنه هجيب طاسه واحط زيت وانزل بالثوم لحد مابيبض وريحته تفوح بعدين انزل بالفلفل واقلب وبعدين الخل والتوابل والماء ولما يغلي هقفل عليه
- ولو عايزاه بارد هتجيبي بولة احط بيها ثوم و كمون وملح وكزبرة ناشفه واقلبهم كويس و بعدين احط عصير ليمون واسيبه يتشرب من توابل والثوم وبعدين احط الخل والماء
- بعد كده هنغرف الكشري بطريقه اللي تحبيه ممكن تخلطي المعكرونه مع العدس والرز والشعريه او تعملي طبق العدس بالرز وفوقه المعكرونه وفوقه الصلصة والحمص وبصل والدقه على جنب في كل الاحوال بألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد