→ كل الوصفات
أحلى من بتاع المطاعم
المقادير
- 1/2 كيلو عدس بجبه
- 1/2 كيلو أرز
- 2 كوب شعريه
- 1/4 كيلو مكرونه مقصوصه
- بصلتين مقطعين جوانح
- ملعقتين دقيق على نشا
- رأس ثوم
- 4 قرون فلفل أحمر
- ملعقه بابريكا
- رشه جوزه الطيب
- ثوم بودر
- مكعب مرقه دجاج
- ملعقتين ملح للوجبه كامله
- ملعقه كبيره فلفل أسمر
- ملعقه كبيره كمون
- ملعقتين معجون طماطم
- 1/4 كوب خل
- 3 حبات ليمون
- رشه روزماري
- 3 ملاعق سمن او زبد
- زيت للقلي
طريقة التحضير
- ننقع العدس لمده 3 ساعات ثم نسلقه في ماء مغلي وكمون
- نعمل الرز عن طريق نحضر أناء به ملعقتين زبد ونحمر الشعريه ويفضل نكثر الشعريه ونقلل الرز علشان يكون خفيف واحلى من المطاعم كمان وننزل عليهم بالرز المغسول والملح ونقلب ونضع كوبين ماء اما نقلبه تقليبه واحده ونهدي لين يتم الأستواء
- نسلق المكرونه وبعد كدا نحضر اناء به ملعقه زبده نضع ملعقه صغيره ثوم مفروم مع ربع ملعقه كسبره ناشفه ومكعب مرقه دجاج واما يصفر ننزل بالمكرونه نقلب ونقفل
- للصلصله الحمراء نحضر أناء به ملعقتين زيت وننزل لالخلطه دي (ثوم والفلفل والبابريكا والكسبره ومرقه الدجاج وجوزه الطيب والروزماري دا كله فالكبه)اما تصفر ننزل ببودر الشطه الحمراء وبعدين الخل وملعقتين معجون صلصه وكوب الماء ونعصر ليمونه ونضع قرون فلفل حار ناشف ونتركها عالنار لمده 8 دقائق
- للدقه التانيه نحضر نفس الخلطه اللي فاتت بس ونضع عليها ملعقتين خل وكوبين ماء ونعصر ليمونتين
- للبصل المقرمش نقطعه جوانح ونحط عليها خليط الدقيق مع النشا ونحمره ونطلعه على فاين وناخد بالنا علشان ميتحرقش
- بعد كدا نرصه كالآتي طبقه رز ثم عدس ثم مكرونه وممكن ترجعي تحطي تاني فوقهم طبقه عدس ثم مكرونه مره تانيه المهم الأرز أقل شئ علشان يكون خفيف ونحط البصل عالوجه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد