→ كل الوصفات

الكشري المصري

طريقة عمل الكشري المصري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1 كيس مكرونة صغيره
  • 1 كيس مكرونة اسباجيتي
  • 2 كوب أرز مصري مسلوق بالشعريه
  • 1/4 كيلو عدس بجبه مسلوق
  • 3 كوب عصير طماطم
  • 2 معلقه كبيره صلصه
  • كوب حُمُّص مسلوق
  • 1/2 كيلو بصل مقطع جوانح
  • 1 معلقه كبيره ثوم مهروس
  • زيت لقليه البصل
  • معلقه صغيره فلفل اسود
  • معلقه صغيره بهارات
  • معلقه صغيره كسبره ناعمه
  • معلقه صغيره ملح
  1. نكسر المكرونة الاسباجيتي ونضعها علي المكرونة الصغيرة ونسلقها
  2. نضع ٣ معالق زيت في حله علي النار ثم نحمر فيها الثوم ونضع عليه عصير الصماطم + صلصه الصماطم+ البهارات والفلفل والكسبره الناشفه والملح ونتركها تغلي حتي تتسبك وتتقل
  3. نضع الطاسه علي النار ونضع فيها الزيت وعندما يسخن الزيت نضع البصل كله ونقلبه ونتابعه كل شويه ونقلبه لحد ما يحمر نشيله من الزيت ويوضع علي مناديل عشان تمتص الزيت وبيبقي مقرمش وجميل
  4. نجيب طبق غويط ونبدأ نضع الكشري اول حاجه نضع معلقتين أرز بالشعريه وعليهم المكرونة وعليهم العدس وعليهم الصلصه وبعدين نضع البصل وعليه الحمص ونضع الدقه
  5. الدقه:(معلقه صغيره ثوم مهروس ناعم+ ٣ معلقه كبيره خل+معلقه كبيره كمون+ معلقه صغيره شطه ناعمه+ ١/٢ كوب ماء)
  6. توضع جميع مكونات الدقه في برطمان ويغلق جيدا ويرج جيدا وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →