→ كل الوصفات

الكشري المصري

#ع_طريقتي #ولا_احلا 😍 #سر_الطبخة

  • رز بشعيريه
  • معكرونه مشكله مسلوقه
  • عدس اسود مسلوق
  • حمص مسلوق
  • للصلصه*
  • عصير طماطم +معلقتين صلصة
  • بهارات فراخ وملح وفلفل
  • مكعب مرقه
  • 3 بصله كبيره مفرومه وسط
  • ثوم وفلفل حار
  • بصل مقطعم شرايح + نشا
  1. هانحط المعكرونه اول طبقه وبعدين العدس الأسود وفوقهم الرز
  2. هانحمر البصل.. هاناخد شرايح البصل بعد ما حطينا عليها النشا واشويه ملح وانزلهم في زيت حامي ونقلبو كل اشويا لحد لما يتحمر ونطلعو على مناديل المطبخ عشان يتصفي من الزيت
  3. نعمل الصلصة بقى وهنا هايكون #سر_الطبخة هاناخد البصل المفروم خشن ونزله في الزيت يذبل كدا وفي الهون هانحط الثوم والفلفل الحامي وندقهم جداً وننزل بيهم على البصله واقلبهم لحد لما ريحتهم تتطلع واقوم منزله عصير الطماطم واسيبها لحد لما تتسبك واحط معلقتين الصلصة انزل مكعب المرقه ورشه فلفل اسود وملح وبهارات وشطه بودرة واخليها تتسبك كمان شويا وبعد كدا اطفي عليها طبعاً مع التقليب المستمر
  4. هانحط البصل على وجه الطبق ونرش عليه حمص وبالهنا والشفا ✌️
  5. #سر_الطبخة البصل قبل التحمير رشي عليه نشا عشان يكون مقرمش ولذيذ وكمان رشه ملح قبل التحمير
عجبتك الوصفة؟
شوف كل وصفاتنا في مكان واحد
كل الوصفات →