→ كل الوصفات

الكشري المصري

❤❤

  • كوب ارز
  • كوب شعيرية
  • كوب معكرونه مرمريه
  • 0.25 كيلو معكرونه اسباجتي
  • كوب عدس بجبه
  • بصله كبيره
  • 10 فصوص ثوم
  • 2 كوب طماطم معصوره
  • زيت
  • ملح وفلفل
  • كمون وكزبره ناشفه
  • معلقه كبيره شطه بودرة ناعمه
  • معلقتين كبار خل
  1. نقطع البصل شرايح ونرش عليه ملعقة نشا ورشة ملح ونقلبه كويس ونحمره في زيت غزير لغايه مايتحمر ونطلعه على مناديل مطبخ
  2. نغسل العدس كويس ونغطيه بميه مش كتير ونضعه على النار واول مايغلي نهدي النار حتى يشرب ميته وبعد مايشربها ويكون ثلاث ارباع سوى نفضل نقلب فيه على النار لمده 10دقايق تقريبا لغايه مايجير زي بتاع محلات الكشري
  3. على النار نضع حله فيها ماء به ملعقة ملح وزيت واول ماتغلي ننزل بالمعكرونه الاسباجتي المتكسرة على 4 واول ماتغلي غلوتين ننزل بالمعكرونه الصغيره ونقلب ونسيبهم 5دقايق ونطفي النار ونسيبهم دقيقه وبعدين نصفيها ونغسلها
  4. في حله نحمر الشعيرية وبعدين ننزل بالرز والماء المغلي والملح واول مايغلو نهدي النار جداً لغايه مايستوي الرز
  5. في حله نضع الطماطم المعصوره ونسيبها تقصر وفي طاسه نضع زيت وعليه الثوم واول ما يصفر ننزل بمعلقه كمون ومعلقه كزبرة وناخد نص الطشه دي وزيتها كله وننزله على الصلصة وبعدين نملحها كويس ونضيفلها نص كوب ماء واول ماتغلي نطفي عليها
  6. باقي الثوم نضيفله معلقتين كبار خل وكوب ماء ونملحه ونسيبه يغلي ونطفي النار عليه
  7. الشطه 👈بنحط على النار ملعقة زيت ومعلقه شطه ونقلبهم شويه وننزل بنص كوب ماء واول ما تغلي نطفي عليها
  8. لتجهيز طبق التقديم نضع ارز وعليه معكرونه وعليه الصلصة والعدس والبصل المحمر ونقدم دقه الثوم والشطه جمبه للي يحب يضيف لطبقة والهنا والشفا❤
عجبتك الوصفة؟
شوف كل وصفاتنا في مكان واحد
كل الوصفات →