→ كل الوصفات
هالطبق المميز ختام أيام الإفطار 🙂😁 طبعا أول مرة بحياتي بتجرأ أغامر وأعمل الكشري أكلته مرة وحدة جاهز من المطعم من يومها وأنا حابة أجرب أعمله أنا بإيدي 🤭 لغاية ما خطر ببالي بلحظة و قررت أعملها من عقلي ومن اللي فهمته من كل الفيديوهات صحيح إنها بتغلب كثير وبدها شغل ووقت ووقفة بس بتستاهل والله🙂😉 🤔🤫 المهم طاااار عقل زوجي فيها وإنبسط ع هالطبخة وعجبته وأنا أبدعت فيها وطلعت خوووورررراااافية😇😊🥰😍🤭❤
المقادير
- كوب عدس بني
- كوب حمص حب
- كوب شعيرية
- 3 أكواب أرز عادي
- 3 حبات بصل كبار
- 6 أكواب ماء
- 1/4 كوب زيت نباتي لقلي الشعيرية
- معلقة كمون
- معلقة فلفل أسود
- ملح حسب الرغبة
- 1/2 باكيت معكرونة إسباغيتي
- 1/2 باكيت معكرونة خواتم
- زيت نباتي غزير لقلي البصل حسب حجم المقلى
- معلقة ملح
- معلقتين نشا
- معلقتين طحين
- 1/4 كوب زيت نباتي
- 4 حبات بندورة
- 1/2 راس ثوم
- معلقة كمون
- معلقة بابريكا حلوة
- ملح حسب الرغبة
- معلقتين رب البندورة
- معلقة شطة حمرا حارة 《سائلة أو بودرة حسب الرغبة والموجود》
- 1/2 كوب ماء
- 1/2 كوب خل أبيض
- 1/4 كوب زيت نباتي
- 1/2 راس ثوم
- ملح حسب الرغبة
- 1/2 كوب عصير ليمون
- كوب ماء
- معلقة بابريكا حلوة
- معلقة شطة حارة سائلة أو بودرة حسب المتوفر
- معلقة كمون
- 1/2 كوب خل أبيض
طريقة التحضير
- طبعا بالبداية بنغسل الأرز وننقعه لمدة ساعة بنكون كملنا كل الشغل
- نغسل العدس ونسلقه تقريبا نص سلقة 《لأنه رح ينطبخ مع الأرز》
- نغسل الحمص ونسلقه إلى أن تصبح الحبات طرية 《يفضل سلقه ونقعه قبل بيوم》
- نقشر البصل ونقطعه جوانح ثم نفتحه عن بعض قدر المستطاع
- نضيف الملح والطحين والنشا إلى البصل ونخلطهم جيدا بالإيد
- نحمي زيت غزير وننزل البصل بالبداية على نار عالية ثم نهبط للنار مع التقليب المستمر حتى لا يحترق وجه والوجه الآخر يبقى أبيض لازم يتوزع التحمير 《يجب أن يكون حامي فقط لم يصل لدرجة الغليان》
- نسلق المعكرونة الشكلين مع بعض بنفس الطنجرة بنضيف ماء حسب حجم الطنجرة المهم تغمر المعكرونة مع معلقة ملح ولمدة لا تقل عن 7 دقائق لحتى نشوفها صارت طرية ومستوية
- بس تستوي المعكرونة بنضيف عليها 4 معالق زيت نباتي 《زيت قلي البصل لحتى تتنكه المعكرونة بنكهة البصل》ونتركها جانبا لحين إستخدامها
- نجهز الصلصة : بإضافة الثوم المهروس إلى الزيت النباتي وتقليبه دقيقة ثم إضافة البندورة المقشرة والمفرومة نااعم بواسطة خلاط أو فرامة ثم نضيف رب البندورة والكمون والفلفل الأسود والملح والشطة والبابريكا والماء ونقلبهم دقيقتين ثم نضيف الخل ونقلبهم دقيقة ثم ننزلها عن النار ونترك الصلصه جانبا لحين إستخدامها 《الزيت المستخدم نفسه زيت قلي البصل》 《الثوم تقريبا مقداره معلقتين مهروس》
- نجهز الدقة : نضيف الزيت والثوم المهروس ونقلبهم قليلا ثم نضيف عصير الليمون والملح والكمون والشطة والبابريكا والماء والخل ونقلبهم دقيقتين ثم نضعها جانبا لحين الإستخدام
- نقلي الشعيرية بزيت نباتي ونحمرها كالمعتاد《زيت قلي البصل لحتى يتنكه الأرز بنكهة البصل》
- ثم نضيف الأرز ونقلبه جيدا مع الشعيرية ثم نضيف العدس والملح والكمون والفلفل الأسود ونقلبهم جيدا
- وآخر شي بنضيف الماء ع الأرز بالبداية بتكون النار عالية بعدين بنهبط للنار حتى يستوي الأرز وينضج
- بطبق التقديم 《أنا أستعملت بايركس دائري》بقاع البايركس نضع طبقة أرز بشعيرية وعدس
- ثم نضع طبقة معكرونة
- نوزع الصلصة والدقة ع وجه البايركس
- ثم نضع طبقة أخرى من الأرز بالشعيرية والعدس
- نضع المعكرونة على الوجه
- ثم نوزع الصلصة والدقة على وجه المعكرونة ونزين البايركس بحبات الحمص المسلوق
- نضيف البصل المقرمش إلى طبق الكشري ونزينه بأوراق البقدونس
- ما بتتخيلو كيف الطعم والررريحة
- وصحتيييييين وعاااافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد