→ كل الوصفات
طريقة عمل الكشري 😍 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 0.5 كيلو رز
- 0.25 كيلو عدس اسود
- 400 جرام مكرونة صغيرة
- 0.25 كيلو شعرية
- 100 جرام مكرونة اسباجتي متكسرة
- 0.5 كيلو حمص مسلوق
- 0.5 كيلو طماطم
- 2 ملعقة صلصة
- توم مفروم
- خل
- 2 بصلة كبيرة مقطعة جوانح
- 2 معلقة دقيق
- 2 معلقة نشا
- زيت
طريقة التحضير
- ننقع الحمص من بليل ونسويه الصبح يتسلق عادي خالص ونضيف الملح بعد مايستوى
- هنحط العدس في الحلة ونحط عليه ميه ويغلي كام غلوة نقوم نحط عليه الرز المغسول ونظبط معيار الميه والملح
- ونكون محمرين الشعرية في طاسة ونحطها على الرز والعدس ونسويهم عادي زى مابنسوى الرز
- نسلق المكرونة عادي ونحط معاها المكرونة الاسباجتي المكسرة وبعد ماتتسلق نحطلها معلقتين زيت عشان متعجنش
- نحمر التوم في شوية زيت وبعد مايصفر نحطله الخل وعصير الطماطم ومعلقتين الصلصة ورشة فلفل اسود ونص ملعقة سكر والملح
- نقطع البصل جوانح ونقلبه مع الدقيق والنشا وبعد كده نحمره وهيطلع مقرمش جدا
- وبالف هنا ويتقدم مع الطماطم المخللة ومفيش اروع من كده😊
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد