→ كل الوصفات
اسرار وتكات هتخلى الكشري من اكبر المحلات #الوصفه_المثاليه
المقادير
- لعمل التقليه
- 2 بصله كبيره
- معلقه دقيق
- معلقه نشا
- لعمل الصلصة
- 0.5 كيلو طماطم 🍅
- عدد2طماطم مبشوره
- كيس صلصه
- 5 فصوص ثوم
- بصله صغنونه
- 0.25 معلقه سكر
- لعمل الدقه
- 5 فصوص ثوم او كتر
- كوب الاربع خل
- 0.25 كوبايه ماء
- التوابل. ملح
- فلفل
- كمون
- شطه
- كزبرة ناشفه
طريقة التحضير
- لعمل التقليه. هنجيب ماكنه الشيبسى ونقطع بيها البصل. ونفرطه من بعضه ونرش عليه ملعقة الدقيق والنشا ونفرطه ثاني. عشان تتطلع مقرمشه زي بره بنحضر طاسه فيها زيت غزير كان هنحمر بطاطس ولما يسخن هنحمر البصل ونحط حبه حبه عشان ميلزقش في بعضه ويطلع مقرمش
- لعمل الصلصة هنضرب النص كيلو في الخلاط ونصفى ونبشر الاتنين ال قولنا عليهم ونجيب الحله ونخرط البصله ونشوحها ونحط الطماطم والملح والفلفل وربع ملعقة السكر وربع ملعقة كمون. وتغلى شويه وبعدين نحط كيس الصلصة. واخر تكه اللي هتخليها جايه من اشهر المحلات مباشره هنجيب الثوم نفرمو ونحط عليه كزبرة ناشفه ونجيبط الطاسه ونحط معلقتين زيت من بتاع تحمير البصل ونشوحهم والريحه اااايه مقولكيش ونحطهم على الصلصة زي طاشه الملوخيه وقلبى وادعيلى وغلوتين واطفى
- لعمل الدقه هنفرم الثوم ونحط الخل والملح والكمون والشطه وال كزبرة وربع كوب ماء وغلوه على النار لحد ماتاخد من بعضها وبعد حطيها في برطمان وقدمى الكشري وبالهنا😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد