→ كل الوصفات
طريقة عمل الكشري سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- عدس بجبه{بني}
- وعدس اصفر
- حمص الشام
- معكرونه مقصوصه
- واسباجيتي
- رز
- وشعريه
- بصل
- وصلصه طماطم
- وبهارات
- وثوم
- وخل
طريقة التحضير
- اول حاجه ننقع العدس البني نص ساعة وبعدين نحط شويه ملح ونسلقه
- ننقع حمص الشام نص ساعة وبعدين نحط ملح وكمون ونسلقه لحد ما يستوي
- في حله نحط شوية زيت ونحمر الشعيرية ونزودها شويه ماء ونسويها
- نسلق المعكرونه النوعين المقصوصه والاسباجيتي بس نحط الاسباجيتي الاول وبعديها بشويه ننزل بالمقصوصه علشان الصغيره بتستوي الاول
- في حله نعمل الرز بالعدس الاصفر
- صلصه الكشري في حله نحط شويه زيت وبصله مفرومه نخليها تصفر وننزل بعصير الطماطم ونتبلها ملح وفلفل اسود وكمون ولما تقرب تتسبك نحط ملعقة خل كبيره ونطفي النار ممكن نأخذ شويه من الصلصة دي في طبق ونزودها شطه علشان الى بيحب الشطه 😍
- دقه الكشري، نفرم فصين ثوم ونحط عليهم ماء ساخنه وخل وملح وكمون بتبقي جميله
- البصل المقرمش. بنجيب بصل ونقطعه جوانح يعني البصله نقطعها نصين وبعدين نقطع النص جوانج 😄ونفككهم من بعض ونحطهم في دقيق عليه ملعقة نشا وملح ونبطنهم بيهم كويس ونقليهم في زيت زي البطاطس المقليه كده
- وبعدين نظبط الطبق بقي طبقات وبالهنا والشفا ☺
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد