→ كل الوصفات

الكشري

على طريقه ماما 😋🤤 #فخر_العرب

  • معكرونه اقلام و خواتم و صغيرة و اسباجتي
  • بصل
  • ثوم
  • عدس بجبه
  • شعيرية
  • ارز
  • حمص منقوع
  • ملعقة زيت
  • معلقتين كبار شطه
  • ملح
  • كمون
  • فلفل اسمر
  • ليمون
  • خل
  • ملعقة ثوم
  1. نسلق الحمص مع بصله مقطعة و واحده طماطم و كمون و نملحه فالاخر
  2. نسلق العدس في ماء فقط و نحافظ عليه ميتهريش خالص
  3. نقطع البصل و نحمره في زيت مع ملعقة ملح على نار هادئه حتى يصبح لونه ذهبي و نطلعه على مناديل و نصفيه كويس جداً من الزيت و ننقله على مناديل تاني و نكرر الموضوع على نحافظ عليه مقرمش
  4. نبشر بصله صغيرة و معاها ملعقة ثوم مفروم و ندبلهم على النار و ننزل عليهم بالطماطم المضروبه في الخلاط و نقطع فلفل حار عليهم و ملح و فلفل اسمر و كمون و نسيبها تتسبك
  5. نسلق المعكرونه و نصفيها كويس
  6. نأخذ من زيت تحمير البصل و نحمر في الشعيرية حتى يصبح لونها ذهبي و ننزل بالارز المغسول و المصفي جيداً و نقلب و ننزل بالعدس المسلوق و معاه الماء بتاعت السلق بتاعته و نزود ماء لو احتاجنا و نملح الرز و نسيبه يتشرب و نخفف النار و نسيبه يستوي منزودش الماء اوي على ميعجنش مننا
  7. نعمل الدقه بقي نحط ملعقة ثوم مفروم و عليها كمون و ليمون و كوب ماء من سلق الحمص و نقلي كويس هتبقي احلى دقه
  8. نحمر على النار ملعقة زيت مع معلقتين كبار شطه لحد م ريحتها تطلع اوي و ننزل عليها بكبشه صلصة من اللي عملناها و شويه ماء و كده بقي معانا احلى شطه زيت
  9. معلقتين من زيت تحمير البصل و نسخن فيهم المعكرونه على النار
  10. نقطع هيش شامي و نحمره في زيت غزير و نملحه بشويه ملح على كمون
  11. اخر حاجه عشان خلاص زهقتو مني نقطع طماطم و عليها فلفل مقطع و شويه دقه ماللي عملناهم و كده فل اوووووي بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →