→ كل الوصفات
طريقة عمل الكفتة المشوية الكذابة اكلة لكل يوم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو لحم مفروم
- بصلة متوسطة
- 2 ملعقة صغيرة بهارات
- ملعقة صغيرة بابريكا
- ملعقة صغيرة فلفل أسود
- ملح حسب الرغبة
- صفار بيضة
- كوب برغل ناعم
- 2 كوب ماء
- زيت للتحمير
- فحم
- 1.5 كوب ماء للكفتة
طريقة التحضير
- انقعي البرغل في كوبين ميه و سيبيه حوالي نص ساعة و بعدين صفيه من الماء كويس اوي
- في بولة غويطة حطي اللحمة المفرومة مع البصل و البهارات و البابريكا و الملح و الفلفل الاسود
- حطي صفار البيضة و البرغل و قلبي كويس اوي لحد ما كل المكونات تختلط ببعضها
- بعد كدة شكليها صوابع على ستيك الشيش و لو مش موجود استخدمي اي حاجة حتى لو قلم بس اغسليه كويس الأول و نشفيه
- حركي الستيك بحيث توسعي الفتحة اللي في الكفتة
- بعد كدة شوحي الكفتة في زيت سخن بس مش سخن اوي علشان ماتتحرقش
- شيلي الكفتة من الطاسة و حطي الزيت اللي فاضل على جنب
- في نفس الطاسة رصي الكفتة و حطي عليها كباية و نص مية و سيبيها على نار متوسطة لحد ما تشرب ميتها
- في الوقت دة حطي الفحمة على النار
- رصي الكفتة وحطي في النص فنجان او حاجة تستحمل الحرارة بطنيها بالفويل و حطي فيها الزيت اللي فاضل من التحمير
- حطي الفحم في الزيت و غطي الكفتة على طول واتأكدي انها متغطية كويس علشان الدخان ما يتسربش
- في وقت التقديم هاتي الزيت اللي تعب معانا ده و حطيه في الطاسة و سخني شوية و قلبي الكفتة فيه بسرعة
- هتديكي طعم كفتة مشوية على الفحم.. و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد