→ كل الوصفات

الكفتة المشوية في الفرن 🤤😍❤️

الكفتة من اكتر الوصفات المحبوبة لمختلف الاذواق هنعملها بطريقة سهلة وناجحة جدااا❤️❤️

  • 1/2 كيلو لحمة مفرومة فيها نسبة دهن مفرومة ناعم
  • بصلة كبيرة
  • معلقة صغيرة من الفلفل الاسود
  • معلقة صغيرة بهارات لحمة او كفتة
  • 1/2 معلقة صغيرة قرفة ؛جنزبيل ؛ توم بودر ؛بصل بودر
  • 2 معلقة كبيرة دقيق
  • 2 معلقة كبيرة نشا
  • معلقة صغيرة بيكنج بودر
  • ملح حسب الرغبة
  1. نفرم البصلة في الكبة كويس جدا ونصفيها كويس من الماية
  2. نضيف البصلة المتصفية علي اللحمة المفرومة ونعجنهم كويس مع بعض لحد ما يبقو شبه العجينة
  3. نضيف كل البهارات والدقيق والنشا والبيكنج بودر ونعجن كويس
  4. نشكل الكفتة علي اسياخ شوي او شيش طاووق باحجام متساوية بقدر الامكان
  5. واحنا بنشكل الكفتة نعمل خليط من ماية البصل وفلفل اسود وملح ومعلقة صلصة ونحط ايدينا في الخليط ده ونشكل ونحطها في صينية فيها معلقة سمنة بلدي
  6. نسخن الفرن كويس جدا قبل ما ندخل الصينية وبعدين ندخل الصينية والفرن شغال فرن وشواية مع بعض لحد ما تتحمر وتاخد لون ونختبرها لما تستوي ونطفي عليها وتتقدم سخنة مع عيش وسلطة خضرا وطحينة او جمب مكرونة او جمب اي حاجة نعوزها وبألف هنا ❤️❤️❤️
عجبتك الوصفة؟
شوف كل وصفاتنا في مكان واحد
كل الوصفات →