→ كل الوصفات

الكفته🍖🍖 الجوسي في الفرن بطعم المشويه على الفحم

طريقة عمل الكفته🍖🍖 الجوسي في الفرن بطعم المشويه على الفحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو الا ربع لحمة مفرومه
  • 100 جرام دهن
  • حزمة بقدونس
  • بصلتين مفرومين
  • ½ معلقه ص بايكنغ باودر
  • ملح وفلفل اسود حسب الرغبة
  • بودرة بصل وثوم
  • توابل لحمة
  • بابريكا
  • ½ معلقه صغيره صلصه
  • رشه روزماري
  • معلقه كبيره زيت
  • فص كبير ثوم
  • فحمه
  • عصيان شيش تاووك
  1. بسم الله اولا نفرم اللحمة مع الدهن ونبشر البصلتين بشر ناعم ونعصر هم ونحط الماء بتاعتهم في بوله صغيرة وتفل البصل نحطه على اللحمة ونفرم فص ثوم كبير ونحطه على اللحمة ونقطع حزمة البقدونس و البكن بودر ونحطها مع اللحمة ونحط كل التوابل ماعدا الرز ماري
  2. ونرجع نحطهم تاني في الفرامه ونفرمهم مع بعض كويس وبعدين تعمل حفره من النصف ونحط فيها فنجان قهوة في النصف ونسخن على البوتاجاز الفحمه كويس وبعدين نحطها في الفنجان ونحط عليها قطعه سمنه واغطي الطبق علشان عجينه اللحمة المفرومه تشرب من ريحة الفحم
  3. وبعدين اجيب البوله اللي فيها ماء البصل واحط عليها رشه روزماري ونصف ملعقة صغيرة صلصة ورشه ملح وزيت وبعدين اجيب شبكه واحط تحتها صاج وابدأ اجيب ٣ أسياخ شيش التاووك وأكفت عليهم الكفته وادهنها من خليط ماء البصل من وجهها وظهرها
  4. واسخن الفرن على ٢١٠ وادخلها في نصف الفرن اسيبها لمدة ١٨ دقيقه وبعدين اطلعها واقلبها على ظهرها وادخلها ثاني لمده ١٥ دقيقه ونطلعها
  5. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →