→ كل الوصفات

الكفته المشويه على الشوايه برائحة الفحم

طريقة عمل الكفته المشويه على الشوايه برائحة الفحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو لحم مفروم عليه تمن كيلو دهن
  • 3 بصلات متوسطات مبشورين
  • عصير طمطمايه صغيره
  • رشه سكر
  • كام عود بقدونس متقطع
  • 1/2 معلقه كبيره مليانه بيكنج باودر
  • بياض بيضه
  • معلقه ونصف مليانه نشا
  • ملح وفلفل اسود حسب الرغبة
  • بهارات كفته
  • بودره بصل وتوم
  1. بسم الله نضع اولا في الكبه اللحمة مع الدهن ونفرمهم كويس
  2. اجيب ال٣ بصلات وابشرهم (أخذ نصف كمية البصل احطه على اللحمة المفرومه من غير ما اعصره والنصف التاني اعصره كويس وآخد التفل بس والمايه اللي هنزل منه اخدها واحط عليها عصير طمطمايه صغيره وملح وفلفل ورشه سكر ومعلقه كبيره زيت علشان هدهن بها الكفته
  3. وبعدين احط علي عجينه الكفته بقيه المكونات النشا وبياض البيض والتواصل والبكن بودر والبقدونس واعجنها كويس وارجع اضربهم كلهم على بعض في الكبه
  4. وبعدين اجيب الاسياخ في كل مره ٤ أسياخ مع بعض وادهن ايدي بمايه البصل واخلطه اللى عليها واكفتها وأبيتها ليلة كاملة
  5. وتاني يوم واجيب الشوايه وادهنها زيت ولما تسخن احط الكفته وادهنها بالخليط اللي احنا عملنا
  6. وكل ما اقلبها ادهنها لغايه ما تستوب
  7. اجيب قطعه فحم واسخنها علي النار واحطها في فنجان وعليها قطعه زبده واحطها وسط الكفته واغطيها علشان تشرب من ريحة الفحم
  8. وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →