→ كل الوصفات

الكنافة بالقشطة الاقتصادية

#حلويات_رمضان

  • ½ كيلو كنافة
  • كوب سمن
  • 1/2 كوب سكر
  • مقادير السيرب
  • 2 كوب ونصف سكر
  • 2 كوب ماء
  • ½ لمونه
  • مقادير القشطة الاقتصادية
  • 2 كوب حليب
  • معلقة ونصف نشا
  • معلقة ونصف دقيق
  1. اول حاجه هنجهز السيرب هنجيب حله ونحط فيها السكر والمايه والنص لمونه ونحطها على النار عاليه في الاول لحد ماتغلي ونوطي النار ونسيبه لمده 10 دقايق وبكدهو السيرب يكون جاهز معانا ونسيبه لحد مايبرد ونروح نجهز القشطة الاقتصادية
  2. نجيب حله ونحط الحليب ونضيف عليه النشا والدقيق ونقلب على البارد لحد المقادير ماتدوب كويس ونحطه على النار ونفضل نقلب فيه لحد مايبقى القوام كريمي
  3. نطلع الكنافه من الفريزير ونفتفتها وهي مجمده ونضيف نصف كوب السكر ونقلبها معاها كويس وبعدها نضيف السمن ونقلبها مع بعض كويس جدا ونجيب صينيه مدهونه سمن ونحط فيها نصف كميه الكنافه ونضغط على الكنافه كويس جدا لحد ماتبقى في مستوى واحد
  4. وبعدين نضيف القشطه ونساويها ونخلي بالنا انها متجيش على طرف الصينيه ونضيف النص التاني من الكنافه ونسويها ونضغط ضغطه خفيفه ونحط معلقتين سمنه في الوش علشان تدينا اللون الذهبي الجميل ونحطها في الفرن لحد ماتاخد لون دهبي وتطلع من الفرن ونضيف عليها السيرب البارد وبألف هنا😍
عجبتك الوصفة؟
شوف كل وصفاتنا في مكان واحد
كل الوصفات →