→ كل الوصفات
#حلويات الكنافة كما علمتني امي ربنا يديها الصحة والعافية يارب.. حلوة جداً.. مقرمشة من برةوطرية من جوة 🙈 لذيذة وشهية وسهلة جداً اللهم بارك يارب ❤️
المقادير
- 1/2 كيلو كنافة
- 2 م ك سكر بودرة
- 1/2 كوب سمنة بلدي او المتوفرة
- 1/4 كوب زيت
- الشربات 🍯
- 2 كوب سكر وممكن يقل معلقتين او يزيد حسب الرغبة
- 1 كوب ماء
- عصرة ليمون
- رشة فانيلا
- الحشو..🥜🥜
- مكسرات اي نوع متوفر
- معلقتين ماء او عسل
طريقة التحضير
- بسم الله اللهم صل وسلم على نبينا محمد وعلى آله وصحبه أجمعين ❤️ ملحوظة.. لازم الكنافة تكون في الفريزر على الاقل ٢٤ ساعة قبل ما نشتغل فيها نطلعها و تفك في الثلاجة و نبدأ التالي
- نفرك الكنافة بأيدينا ونقطعها كويس جداً حتت صغيرة
- نضيف معلقتين السكر البودرة ونقلب كويس
- نضيف السمنة والزيت ونبسها بيهم كويس جداً
- نحط نص الخليط في صينية مدهونة سمنة ونضغط كويس جداً عليها
- نضع الحشوة ونراعي منزودتش عند الأطراف
- نفرد الطبقة الثانية ونضغطها كويس جداً
- ندخلها فرن حامي مسبقا على ٢٢٠ او ٢٣٠ حسب حرارة فرنك
- بتأخذ تقريبا ساعة الا عشر دقائق لو مأخدتش لون نشغل الشواية
- الشربات نكون مجهزينة من قبل على النار نحط كوبايتن سكر وكوب ماء
- نتركه يغلي على النار ١٠ دقايق مش اكتر من كدة عشان ميتقلش اوي ونضيف عصرة الليمون و الفانيليا
- لازم يكون الشربات بارد والكنافة ساخنة نسقيها بالشربات اول ما تطلع من الفرن ونستني ٥ دقائق ونقلبها
- بالنسبة للمكسرات بنضيف ليهم معلقتين عسل او ماء ونقلبهم قبل ما نحطهم على الكنافة
- بالنسبة للحشو المكسرات المتوفرة عندك حطيها ويفضل تحميصها قبل الحشو
- تقدم بالف هنا ❤️
- {أخيرا أدعوا لجدتي بالرحمة ولنا بالصبر} 💔
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد