→ كل الوصفات

الكنافة بالمهلبية وصوص الشوكولاتة 😍😍

الكنافة بالمهلبية وصوص الشوكولاته الفظييييييييييييع😍😍 نحتاج الى صينية مقاس 28

  • 0.5 كيلو كنافة
  • 1 كوب سمنه (ويسلام عليها لو تبقى سمنه بلدي 😉)
  • 2 ملعقة سمنة, للدهن
  • المهلبية للحشو
  • 1 كوب لبن
  • 1 كوب ماء
  • 3 ملاعق ك 🥄 نشا
  • قليل سكر, حسب الرغبه
  • ذرة فانيليا
  • للشربات
  • كوب سكر
  • كوب ماء
  • ملعقه 🥄 سمنه
  • عصير نصف ليمونه
  • قشطة, او صوص شوكولاته, للتزيين
  • ذرة فانيليا
  1. اول حاجه, هنحضر الشربات ونسيبة يبرد خالص. 😉
  2. نحط السكر على الماء ونسيبهم ١٠ دقائق على النار. وبعد كده نحط ملعقة السمنه وذره الفانيليا ونقلب. وقبل منطفى عليه نحط عصير اليمونه ونسيبه يبرد. 😉 وكده بقى جاهز.😊
  3. وبعد كده, نجهز المهلبية 😉, نضع في حله صغنونه, على النار, كوب اللبن والسكر حسب الذوق والفانيليا
  4. بعد كده, ندوب النشا في المايه. واول ما اللبن يبدأ في الغلايان, نبدأ نضيف المايه المذاب بها النشا
  5. نبدأ نقلب بسرعه في اتجاه واحد لغايه لما تبدا تاخد المهلبية وضعها 😊 بحيث تكون مش تقيله اوي وبرضو مش خفيفه اوي 😉 وكده بقت المهلبية جاهزة. 👌
  6. بعد كده نجيب الصينية وندهنها ب٢ ملعقه سمنه. وبعد كده نأخد نصف كميه الكنافة ونضعها في الصينية. وناخد بالنا إننا نحاول نعلي الطرف بتاعها اكننا بنعملها سور كده. ونضغط عليها حلو
  7. بعد كده نضيف المهلبية بتاعتنا وبعد كده نحط باقي الكنافة ونغطى المهلبية كلها ونحط باقي السمنه على الوش
  8. كده خلاص 😊 خلصنا, يلا بينا ناخدها على الفرن ونسيبها لغايه لما وشها يكون ذهبي كده وفظيع
  9. عند التقديم, ممكن إضافة قشطة او صوص شوكولاته 😘😘 و بألف هنا وشفا. 🌸🌹😘😘
  10. نيجي بقى للكنافه, نقطعها كده بحيث انها تكون مش ماسكه في نفسها خالص 😉. ونضيف عليها, بعد التقطيع, نصف كوب السمنه ونقلبها بقى حلو اوي
  11. اخر حاجه بقى هنسقي الكنافة بالشربات البارد ونسيبها تبرد و نقطعها
عجبتك الوصفة؟
شوف كل وصفاتنا في مكان واحد
كل الوصفات →