→ كل الوصفات
#الشيف_الذهبي انا بصراحة مبحبش اللانشون وبلذات عشان الاطفال فبحب اعملها بالبسطرمة وبيبقي طعمها تووووحفة 😋
المقادير
- 1/2 كيلو بانيه
- بسطرمة
- جبنة شيدر
- جبنة موتزاريلا
- بيضة
- بقسماط
- دقيق
- بهارات(ملح/فلفل اسود/بابريكا/ ثوم وبصل بودر /بهارات فراخ)
- معلقة كبيرة خل
طريقة التحضير
- نجيب البانية وكيس والمدق ونحط البانية جوا الكيس وندق شريحة البانيه لحد ماترفع
- وده شكلها بعد ما دقيتها بالمدق
- ناخدها ونتبلها بالبهارات ومعلقة الخل ونسيبها شوية في التتبيلة
- بعدين نجيب قطعة البانية ونفردها ونحط قطعة الشيدر والبسطرمة والموتزاريلا ونلفها كويس ونجيب ورق استرتش نلفها بيها كويس ونقفلها من الجناب كويس
- وده شكلهم بعد ما تلفو بالاسترتش
- نحطهم في الفريز نص ساعة بعدين نطلعم نكون محضرين ثلث اطباق طبق دقيق وطبق بيضه فيها حبة ملح وفلفل صغيرين وطبق بقسماط
- ونبتدي نأخذ رول البانية ونشيله من الاسترتش ويمر بلتلت مراحل دول الدقيق الاول بعدين البيض بعدين البقسماط
- ونحطهم في الفريزر من ساعة لساعتين وهنا بعد ما طلع من الفريزر
- ونبتدي نحمر في الزيت على نار عالية الاول بعدين نهدي النار عشان الفراخ تستوي كويس من جواا وبألف هنا وشفا. 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد