→ كل الوصفات
طريقة عمل الكوردن بلو 👌👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- فراخ بانيه للحشو (الكمية علي حسب العدد)
- شرايح جبنة شيدر
- اي لحوم مدخنة (بسطرمة - لانشون - رومي مدخن)
- التتبيلة
- مية بصل
- كوب زبادي
- ملعقة كبيرة زبدة بدرجة حرارة المطبخ
- ملعقة كبيرة مسطردة
- ملعقة كبيرة عصير ليمون
- ملح
- فلفل اسمر
- بابريكا بودر
- توم
- بصل بودر
- حبهان مطحون
- لبن
- فلفل اسمر
- ملح
- فلفل
- ابريكا
- توم بودر
- بصل بودر
- رشة زعتر
- لعمل الكفرينج : لعمل الكفرينج :
- 2 بيضة
- دقيق نضيف عليه
- ممكن استبدال التوابل دي بكيس فيجيتار علي كمية الدقيق
طريقة التحضير
- حتجيبي الفراخ وحتحطي كل حتة بين كيس مطبخ وتدقيها علي خفيف وتاخدي بالك كويس ان الفراخ مش تفتح منك
- بعد كده حنضيف مقادير التتبيلة حيبقي قوامها كريمي حنضيف التتبيلة دي علي كل قطعة فراخ من فوق وتحت ونسيبها لمدة ساعتين في التلاجة
- نخرجها من التلاجة ونكون مجهزين الحشو جبنة شيدر واي لحوم مدخنة (انا هنا استخدمت بسطرمة)
- نفرد قطعة استرتش مطبخ ونحط عليها قطعة الفراخ ونضيف عليها قطعة الجبن الشيدر وبعد كده شريحة البسطرمة
- حنبتدي نلفها رول ونقفلها من الجنب (زي لفة ورق العنب) وبعد كده ملف الرول ده في الاسترتش ونقفله من الجنبين كويس اوووي
- حنعمل الكمية وندخلها الفريزر نص ساعة بس
- حنجهز خليط البيض واللبن وخليط الدقيق والتوابل ونطلع الفراخ ونفكها من الاسترتش
- ونبتدي نضيفها في خليط الدقيق وبعدين خليط البيض وبعدين خليط الدقيق تاني
- ونرصها في طبق وندخلها الفريزر نص ساعة كمان
- حنطلعها وفي مقلاية حنضيف ملعقتين زبدة وشوية زيت ونبتدي نقلي فيهم الكوردن بلو لحد ماياخد لون التحمير بالظبط
- بعد كده حنجيب شبكة وتحتها صينية ونرص عليها الكوردن بلو وندخلها الفرن علي درجة حرارة 230 لمدة تقريبا تلت ساعة
- لحد ما الجبنة تسيح وكل حاجة تستوي كويس 👌👌
- وبالف هنا وشفا يااااارب 😍 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد