→ كل الوصفات

الكوردون بلو الخطير 😋

#تحدي_الدجاج

  • 1/2 كيلو صدور دجاج بانيه نقطعها عريضة شوية
  • شرائح رومي مدخن او روست بيف او لانشون سلامي على حسب المتاح
  • شرائح جبنة شيدر بتاعة الساندويتشات
  • 1/2 معلقة صغيرة بصل بودرة
  • 1/2 معلقة صغيرة توابل فراخ
  • رشة سكر
  • 1/2 معلقة صغيرة ثوم باودر
  • 1/2 معلقة صغيرة بابريكا
  • معلقة صغيرة ملح
  • رشة فلفل اسود
  • بيضة
  • معلقة لبن
  • 1/4 كوب نشا
  • 1/2 كوب بقسماط
  • رشة ملح وفلفل اسمر
  • رشة توابل فراخ
  1. نتبل الفراخ بالتتبيلة وناخد بالنا التتبيلة كلها ناشفة مفيهاش اي سوايل و ده مهم جداً عشان الفراخ متفكش مننا بعدين وهنسيبها في الثلاجة ساعة
  2. نجيب اكياس تلاجة بلاستيك شفافة هنفتح الكيس بالمقص ونحط قطعة الفراخ ونغطي عليها وندقها كويس جداً بمدق اللحمة عشان تفرد ويبقى سمكها رفيع وبعدين نجيب واحدة سلامي او الرومي وفوقها واحدة جبنة شيدر هنلفهم هما الاول رول
  3. وبعدين نحط الرول بتاعهم جوه الفراخ ونلفها حواليهم رول لكن بلاش نلف التلت مكونات مع بعض لما بنلف الحشو لوحدة في الاول وبعدين الفراخ حواليهم ده بيساعد الفراخ على السوا اكتر
  4. هنلف كل واحدة بعد ما حشيناها بكيس الثلاجة اللي كنا بندقها جواه ونلفها حول جداً وندخلهم الفريزر يرتاحوا نصف ساعة
  5. هنضرب البيضة واللبن وعليهم ملح وفلفل اسمر وكذلك نقلب البقسماط والنشا وعليهم رشة ملح وفلفل اسمر ورشة توابل فراخ هننزل الكوردون في البيضه ثم في البقسماط ونغطيها حلو جداً وندخلهم الفريزر يرتاحوا نصف ساعة او رف الثلاجة ساعة
  6. هنحمرهم في زيت سخن على نار متوسطة ولما ياخدوا لون تحمير ذهبي فاتح كده هندخلهم الفرن على الشبكة درجة حرارة 200 لمدة 20 دقيقة ونقلبهم من وجه لوجه وبالف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →