→ كل الوصفات

الكوردون بلو الكداب (التشيكن رول) ولا أروع 😋💕

#الشيف_الذهبي

  • 1/2 كيلو بانيه
  • جبن رومي وشيدر
  • لانشون اختياري اي حشوة
  • ملح وفلفل اسود
  • ماية بصل
  • توم وبصل بودر
  • بهارات فراخ
  • بيضه وبقسماط للتغليف
  1. نغسل البانية كويس ونجيب كيس بلاستيك ونحط القطعه جواه وندق عليها لحد م تكون قطعه رقيقة وتتلف بسهولة وتستوي م جوا كويس(يفضل يكون حجم الصدور كبير عشان تعمل رول وتلف كويس)
  2. التتبيلة ماية بصل عليها نص معلقة توم ونص بصل بودر وبهارات فراخ وملح وفلفل اسود ونحط فيها البانيه بعد م عملناه رقيق خالص ونسيبه ف التتبيله ساعتين او اكتر يكون افضل
  3. بعد م اتبل نجيب ورق الاسترش ونحط القطعه وعليها شريحة جبن شيدر وجبن رومي او حسب اي حشوة تحبوها ونلف كويس وهكذا ف الباقي *لو اول مره ياريت تشوف فيديو ع طريقة اللف
  4. ندخلهم ف الفريرز حوالي نص ساعة ونطلعهم نغلفهم بالبيضه معاها معلقتين لبن وبعدين البقسماط ويتقلي ف زيت غزير سخن واول م نحطه نوطي خالص عشان يستوي م جوا كويس حوالي 5 دقايق ع كل جمب وبس كدا الف هنا💙💙💙
عجبتك الوصفة؟
شوف كل وصفاتنا في مكان واحد
كل الوصفات →