→ كل الوصفات
#الكوسة التركية الشهيرة بكل تفاصيلها تركى تركى
المقادير
- 8 حبات كوسة كبيرة
- مكونات تتبيلة اللحمة المفرومة
- 1/2 كيلو لحمة مفرومة
- كوب بقدونس وكسبرة
- رغيف عيش سن
- معلقة كبيرة هريسة شطة خضراء
- 5 فصوص ثوم مهروس
- 2 حبة بصل مبشوريين
- معلقة كبيرة بهارات لحمه
- معلقة كبيرة ملح
- معلقة صغيرة بصل بودر
- معلقة صغيرة فلفل أسود
- معلقة كبيرة كارى
- معلقة كبيرة بابريكا
- معلقة صغيرة شطة
- معلقة صغيرة جنزبيل
- مكونات تتبيلة الكوسة
- ملح وفلفل إسود
- شوربة استواء الكوسة
- كوب طماطم معصور
- 2 معلقة كبيرة صلصة الفلفل الاحمر
- معلقة صغيرة ملح
- معلقة صغيرة فلفل أسود
- معلقة كبيرة دبس الرومان
طريقة التحضير
- نحضر اللحم المفروم كمية النصف كيلو بتعمل ٢ صنية كبار // نحضر رغيف العيش السن ونبلة فى شويه ماية عشان يطرا ويبقا عجين وهو هنا بديل البرغل او الارز ينقع البرغل او الرز ويضاف الى الحشوة بدل العيش عبارة عن نصف كوب صغير ارز او برغل حسب الرغبة
- نحضر الكوسة ونقوم بغسلها وتقطعها شرايح رفيعة جدا ولو موجود قشارة البطاطس اعميلى بيها بتسهل اوى ولو مافيش بالسكينة اعملى رقائق الكوسة كل لما كان السمك ارفع تتلف بسهولة مثل الصورة
- نحضر الحشوة نضع فوق اللحمة العيش والبصل والتوابل ونصف كوب بقدونس وكسبرة ونتبل اللحمة جيدا
- نحضر الكوسة ونتبلها بالملح والفلفل الاسود وشوية بهارات مثل الصورة
- نحضر شرايح الكوسة ونضع فيها حشوة اللحمة الجميلة ونلف الكوسة لور ونخلص الكمية كلها على صنية خارجية
- بعد نفاذ الكمية نحضر الصنية ونقطع حبة بطاطس كبيرة وحبة بصل شرايح ونضع فوقهم ملح وفلفل اسود نقوم برص الكوسة فى الصنية مثل الصورة تماما فى ناس بيعملوها فى حلة ويرصوها طبقات فوق بعض بس الاحسن الصنية عشان انا بحمرها فى الشواية شوية عشان يبقا لونها لطيف وطعمها احلى
- نحضر كوب عصير طماطم او صلصة مخففة وفيها توابل ملح وفلفل اسود
- بحضر صلصة الفلفل الالوان وبضع حوالى ٣ملاعق كلها فوق صوص الطماطم لان الوصفة الاصلية بيستعملوا ا صلصة الفلفل الالوان ونغطى الكوسة بطبق حرارى مثل المحشى عشان الكوسة متفكش ونضع فوقها غطاء حلة مثل الصورة
- بعد تشرب الكوسة الماء احضر معلقة كبيرة دبس الرومان واخففها بشوية ماء واضغها فوق الكوسة بعد نضج الكوسة اضعها فى الشواية تاخد اللون الجميل
- بعد تشريب الكوسة الماء نحضر معلقة كبيرة دبس الرومان واخففها بشوية ماء واضعها فوق الكوسة بعد النضج
- نضع الكوسة فى الفرن ونفتح عليها الشواية عشان تعطيها لون حلو
- تقدم مع الارز الابيض المصرى
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد