→ كل الوصفات

الكوسه بشاميل

طريقة عمل الكوسه بشاميل سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيلو كوسه
  • ملح
  • فلفل
  • بابريكا
  • جوزة الطيب
  • 3 كوب حليب
  • 1كوب مرقة
  • 0.5 كيلو لحمه مفرومه
  • معلقه صلصه طماطم
  • بصله متوسطه مفرومه
  • معلقه كبيرجبنة كريمي
  • 3 معالق دقيق
  • ربع كوب سمنه
  • جبن مونزاريلا
  1. نغسل الكوسه و نقطعها حلقات متوسطة السمك و نتبلها بملح وفلفل و بابريكا
  2. على النار نسخن طاسه فيها معلقتين كبار سمنه و نحط عليها الكوسه و نسيبها تاخد لون على نار متوسطه
  3. في طاسه سخنه بدون اي دهون نضيف اللحمه المفرومه و نقلبها دقيقه ثم نضيف البصل و الصلصه و الملح و الفلفل و جوزة الطيب
  4. نحط ٣ معالق سمنه و نسخنهم ثم نضيف ٣ معالق دقيق و نقلب دقيقتين.. نضيف عليهم اللبن و المرقه و نقلب الي ان يذوب الدقيق.. ثم نضيف الجبنه الكريمي و ملح و فلفل و جوزه الطيب
  5. في صينيه بيركس نحط بشاميل ثم الكوسه ثم اللحمه المفرومه و معلقه بشاميل بعدين كوسه و نغطي بالبشاميل و نحط الجبنه المونزاريلا على الوش
  6. نسخن الفرن على درجه حراره ٢٠٠ فوق و تحت و نحط الصينيه و نطلعها لما تاخد لون و بالهنا و الشفا♥️ممكن تتقدم مع رز بشعرية و الف هنا
عجبتك الوصفة؟
شوف كل وصفاتنا في مكان واحد
كل الوصفات →