→ كل الوصفات
#التحدي_الفضي
المقادير
- 1/2 كوب ذبده او سمن (الافضل ذبده)
- 1/3 كوب سكر
- بيضه + بياض بيضه
- معلقه صغيره بكنج بودر
- رشه كربوناتو
- رشه ملح
- حوالي كوب وتلت دقيق
- 1/4 كوب قطع شيكولاته
- فانيلا
- 1/4 كوب لبن بودر
- 1/4 كوب كريم شانتيه
- 1/2 كوب ماء دافئ
- معلقه كبيره ذبده
- 1/2 كوب + معلقتين سكر
طريقة التحضير
- نحضر التوفي هنحط السكر علي نار هاديه لحد ما يدوب تماما بس خلي بالك عشان ميتحرقش و يمرر وبعد ما يدوب ويبقي بني هنحط الذبده ونسبها تدوب كل ده علي نار هاديه (نكون دوبنا اللبن والكريم شانتيه في المايه الدافيه) لما الذبده تدوب نضيف خليط اللبن حبه بحبه نحط حبه ونقلب ونحط حبه و نقلب وهكذا لحد ما يخلص الكميه ونقلب وكل ده برضو علي نار هاديه عشان اللبن ميفصلش هتلاقي السكر كلكع متخفيش كملي(لو مشيتي علي الخطوات دي هينجح معاكي)
- وبعد كده هتسبيه علي النار الهاديه مع التقليب المستمر لحد السكر ما يدوب تماما ويبتدي يغلي ممكن لما السكر يدوب ويبتدي يغلي ممكن نعلي النار نخليها متوسطه ونسبها لحد ما الخليط يتقل ويبقي زي الي في الصوره
- نطفي عليه ونسيبه حوالي ربع ساعه يبرد وتعرفي تمسكيه بايدك هتدهني ايدك زيت وتبدأي تاخدي حته وتكوري وتحطي الكور علي صنيه مدهونه زيت ولما تخلصي الكيه تدخليها الفريزر
- نجهز الكوكيز : هنحط السكر + الذبده في طبق غويط ونضربهم بالمضرب الكهربي او اليدوي ولماالسكر يدوب نحط البيض + الفانيلا + البكنج بودر+ الكربوناتو+ الملح+ الدقيق+ قطع الشيكولاته ونعجنهم سوا لحد ما يكون قوامها طري ومبيلزقش في إيدك وندخلها التلاجه نص ساعه
- نخرج عجين الكوكيز من التلاجهوالتوفي من الفريزر ونجيب صنيه ونجيب حته من العجين ونحشيها توفي ونقفل عليها ونحطها في الصنيه
- نرصهم في الصنيه ونخلي بنهم مسافه وندخلهم الفرن علي حراره متوسطه لحد ما لونها يكون دهبي وممكن نشغل عليها الشوايه تحمر من فوق وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد