→ كل الوصفات
من جمال الكيكة دي هتعمليها كل شوية لذيذة😋 وطبقة المهلبية فوق الكيك بتاكليها وهي دافية او ساخنة🔥 عشان كدة أسمها الكيكة الشتوية🌧️ الساخنة.. وممكن تستبدلي المهلبية بالكاسترد حسب ذوقك وممكن تعمليها في صينية واحدة او طواجن او قوارب صغيرة وتزينيها بالتزين المفضل عندك والمطبخ مطبخك براحتك🤩
المقادير
- 2 بيضة
- 1 كوب سكر
- 3/4 كوب لبن
- 1/2 كوب زيت ذرة
- 2 كوب دقيق
- 1 ملعقة كبيرة بيكنج بودر
- 1 ملعقة صغيرة فانيليا سائلة
- 1 ملعقة صغيرة خل
- 3 كوب لبن
- 3 ملاعق كبيرة نشا
- 3 ملاعق كبيرة سكر
- 3 ملاعق كبيرة لبن بودرة
- 1 كيس فانيليا
- شوكولاتة مبشورة
طريقة التحضير
- أولا في الخلاط حوطي البيض والسكر والزيت والخل والفانيليا واللبن وأخلطيهم مع بعض كويس جداً 😍
- في طبق غويط حوطي الدقيق والبيكنج بودر وقلبيهم مع بعض وبعد كدة ضيفي الخليط إللي في الخلاط على الدقيق وقلبيهم مع بعض كويس 😍
- جيبي بعد كدة صينية او طواجن او قوارب براحتك ووزعي خليط الكيك بس أدهني الصينية او القوارب بالزيت قبل ما تحوطي خليط الكيك وحاولي تكون كمية الخليط مش كبيرة في الصينية او القوارب او الطواجن لأن بعد كدة هنضيف طبقة المهلبية وأنا عملتها في قوارب عشان كل فرد يأخد واحدة 😍
- دخلي بئا الكيك الفرن على درجة حرارة 180 لمدة 30 دقيقة تقريباً ولما يستوي الكيك خرجية من الفرن وسيبية يبرد وبعد كدة ضيفي عليه طبقة المهلبية وزينيه بالشوكولاتة المبشورة أو أي تزين مفضل عندك وسيبيها تهدي حبة وبعد كدة كوليها وهي دافية بجد لذيذة بشكل تحفه جداً جربيها وإن شاء الله هتعجبك وبالعافية عليكي حبيبتي 😘😍❤️🌹
- لعمل طبقة المهلبية حوطي اللبن في حاجة مناسبة وحوطي عليه السكر والنشا والفانيليا ولبن البودرة وقلبيهم مع بعض كويس وبعد كدة حوطيهم على نار هادية وأستمري في التقليب لحد لما يتقل القوام ويكون كريمي وبعد كدة اقفلي النار عليها 😍
- ملحوظة :ممكن تضيفي كاسترد على الكيك او كريم كراميل بدل المهلبية براحتك حسب ذوقك😍
- 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد