→ كل الوصفات
تورته عيد ميلاد بسيطه
المقادير
- 8 بيضات
- ذره ملح
- معلقتين خل
- وكيسين فانيليا
- كوب سكر
- معلقه بيكنج بودرة
- كوبين دقيق
طريقة التحضير
- هانجيب بولتين واول بوله هانفصل بياض البيض عن الصفار وفي اول بوله هانحط 8 بياض البيضه وعليه ذره ملح ونص كوب سكر وكيس فانيليا ومعلقه خل ونقعد نضرب فيهم لحد مايبقي قوامها زي المرينج يعني تقيل يشبه الكريم شانتيه
- خلاصنا اول خطوه هانجيب البوله التانيه اللي فيها 8صفار البيض ونحط ذره ملح برضو ونص كوب سكر وكيس فانيليا ومعلقه خل ونضربهم كويس لحد مايبقي لونهم اصفر فاتح اوي
- وبعد كده هانجيب الصفار اللي ضربناه ده ونحطه على المرينج اللي هو بياض البيض ونقلب براحه من تحت لفوق وبراحه جداً عشان الهواء اللي فيها مش يخرج منها
- خلصنا التقليب هانجيب ملعقة البيكنج بودرة والكوبيتين الدقيق وننخلهم كويس ونحطهم على الخليط بتاع الكيكه ونجيب صينيه مدهونه زيت او تحطي ورق زبدة اللي موجوده عندك
- وبعد ماتكوني قلبتي كل الدقيق في الخليط كويس حطيه في الصينيه وبعد كده في الفرت والاهم ان الفرن يكون عي درجه حراره180 ومتولع من قبل ماتعملي كل الخطوات دي والف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد