→ كل الوصفات

اللازانيا خطوة بخطوة بمنتهي السهوله

طريقة عمل اللازانيا خطوة بخطوة بمنتهي السهوله سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 اكواب دقيق
  • معلقة صغيرة ملح
  • معلقة صغيرة بصل بودرة
  • 2 بيضة
  • 1/4 كوب زيت
  • ماء للعجن
  • 4 معالق كبيرة دقيق
  • 4 معالق سمنة او زبدة
  • 4 اكواب لبن
  • ملح
  • فلفل اسود
  • مكعب مرقة
  • قطعة جبنة مثلثات
  • قشطة
  • شرايح فراخ بانيه مقطعة
  • بصله كبيرة مبشورة
  • 2 جزرة مبشورة
  • 4 حبات طماطم مبشورة
  • ملح وفلفل اسود وبهارات
  1. لعمل العجينة نخلط الدقيق والملح والثوم البودرة مع بعض وبعدين نحط الزيت والبيض ونعجن بالماء للحصول على عجينه متماسكة
  2. نفرد العجين بسمك رفيع ونقطعها شرايح عريضة ونرصها في صينيه وبين كل طبقة نحط دقيق او كيس علشان مايلزقوش في بعض
  3. لعمل الحشو نحمر البصله في سمنه وزيت لحد وبعدين نحط الفراخ ونقلبها كويس وبعدين نضيف التوابل والجزر والطماطم ونسيبها تستوي
  4. لعمل الصوص نحط السمنه او الزبدة على النار وعليها الدقيق ونسيبهم يتحمصوا شويه.وبعدين ننزل اللبن ونقلب كويس وبعدين نضيف التوابل والجبنه والقشطة ومكعب المرقة ونفضل نقلب لحد مايتقل
  5. نجيب صينيه وندهنها زيت ونحط اول طبقة بشاميل وبعدين شرايح اللازانيا وفوقيها الحشو وبعدين بشاميل وهكذا لحد مانخلص شرايح اللازانيا
  6. بعد مانخلص الصينيه نغطي الوجه بالبشاميل وجبنه موزاريلا وندخلها فرن مسخن مسبقا على درجة حرارة 200 لحد ما وجهها يحمر
  7. نسيبها عبرد شويه ونقطعها ونقدمها وبالهنا والشفا💖💖
عجبتك الوصفة؟
شوف كل وصفاتنا في مكان واحد
كل الوصفات →