→ كل الوصفات

اللازانيا

#المرور_الاول #حملة_التشجير

  • علبه لازانيا الملكه
  • ½ كيلو لحمه مفرومه
  • 3 بصلات وسط
  • معلقتين صلصه
  • ملح وفلفل أسود
  • رشة قرفه
  • رشة زنجزبيل
  • رشه جوزه الطيب
  • 2 معلقه سمنه
  • 2 معلقه زيت
  • 4 معالق دقيق
  • ملح فلفل أسود رشه جوزه الطيب
  • مكعبين جبنه نستو
  • مكعب مرقه فراخ
  • لتر لبن ساقع
  1. صباح كل حاجه حلوه ف الدنيا النهارده هنعمل اللازانيا الجباره
  2. اول حاجه ونبدأ نعصج اللحمه المفرومه.. ٣ بصلات مقطعين مكعبات صغيره مع معلقتين زيت ع النار وعليهم رشه ملح ورشه سكر وأول مالبصل يدبل ننزل باللحمه المفرومه ولما لونها يبقا رمادي هنحط الصلصه والتوابل الا الملح ف الاخر عشان بياخر سوا اللحمه
  3. لما تستوى هنحط الملح وكده تبقا جاهزه وماتخليش المفروم ناشفه كده لا عاوزينها جوسي وطريه
  4. هنعمل البشاميل السمنه والزيت ع النار ونحط الدقيق يدوب ريحته تطلع هنحط المرقه والنستو ونقلب كويس جدا لحد ماكله يختلط.. هنحط بقا اللبن ونقلب وف الاخر هنحط الملح والفلفل اسود ورشه جوزه الطيب بتدى للبشاميل ريحه حلوه اوى
  5. هنرص الصنيه بقا هنحط حبه بشاميل الأول ونرص اول طبقا من اللازانيا بعد كده مفروم بشاميل لازانيا بنفس الترتيب واخر حاجه هنحطها اللازانيا وعليها باقي البشاميل
  6. هندخلها فرن حامي ع ٢٠٠ هتقعد نص ساعه والوش خمس دقايق بس وتطلع بالهنا
عجبتك الوصفة؟
شوف كل وصفاتنا في مكان واحد
كل الوصفات →