→ كل الوصفات
اللحمة المسلوقة كتير منا مش بيحب يأكلها مسلوقة هذه الوصفة هتخلى الكبير والصغير يأكل اللحم المسلوق بشوية بهارات وصلصة خضار هنغير الطعم خالص طعم اللحم هيكون متبل ومشوى وطرى من الداخل ومن الخارج مقرمش ولذيذ
المقادير
- نصف كيلو لحمة مسلوقة
- تتبيلة اللحمة 👇
- صوص خضار مطبوخ
- ملعقة صغيرة كمون
- ملعقة صغيرة بهارات اللحمة
- ملعقة صغيرة قرفة
- ملح وفلفل اسود حسب الرغبة
- شطة
- دبس رمان
- معلقتين كبار معجون الصلصة
- ملعقتين زيت زيتون
طريقة التحضير
- نسلق اللحمة جيداً لغاية النضج بالطريقة المعتادة
- نضع قطع اللحم المسلوقة في مصفاة لغاية لما الشوربة تجف ونشيل أى دهون مش عايزنها
- نحضر التتبيلة اللذيذة اي صوص طماطم مطبوخ مع الخضار مثل صينية البطاطس او اي نوع خضار مثل الصورة ولو مفيش خضار معلقتين كبار من معجون الصلصة بس في الحالة دى هنضع فوقها معلقتين زيت زيتون عشان اخفف الصلصة
- نحضر الصلصة وجميع البهارات الموجودة ومعيار البهارات حسب كمية اللحمة ونخلط المكونات جيداً حتى الامتزاج مع دبس الرومان
- نحضر صاج ونضع فوقة ورق زبدة او مفرش سيكلون ونضع قطع اللحم بالعضم واللحمة الصافى كله ينفع وندهن اللحمة من على الوجه وندخلها الفرن اولا لمدة عشر دقائق بعد ذلك نفتح عليها الشواية من فوق
- نخرج الصنيةو نقلب اللحمة على الوجه الاخر وندهنها وندخلها الشواية وبالهناء والعافية
- طعم اللحم بالتتيلة بيكون مثل اللحمة المشوية في الفرن بأبسط الطرق جربوها هتعجبكم قوى وشكلها حلو في التقديم على السفرة
- لحم مشوي مسلوق
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد