→ كل الوصفات

اللحم الاسكتلندى بطريقتي 🍀🍀🍀🍀

تعالوا.... تعالوا 🔥🔥🔥🔥🔥🔥 سهل وسربع وغير مكلف وكمان بشكل جديد وسهل عشان بناتنا الصغيرين يحبوا يدخلوا المطبخ لازم نشجعهم يلا بينا نشوف الوصفة 😛😋😛

  • 1/2 ك مفروم
  • 6 بيضات وياريت يكون بلدى من الصغير
  • قرن فلفل رومي احمر واخضر
  • بصلة متوسطة ومفرومة ومتصفية
  • ملح فلفل اسود
  • 1/2 ملعقة صغيرة من الزنجبيل
  • 1/2 ملعقة صغيرة من بهارات السبعة
  • رشة قرفة
  • رشة بابريكا
  • 1/2 كوب من البقسماط
  1. اول شئ نسم الله ونصلى على الرسول ابتدى اسلق البيض واسيبة يبرد وبعد كدة هنفرم البصلة والفلفل الرومى بالكبة واصفيهم كويس من السوائل اقطع البقدوتس حتت صغيرة واحط كل شئ على بعضة زاى مانت شايفة بالصورة
  2. احط التوابل والبقسماط وابتدى اعجن اللحم مع الخليط كويس اوى لغاية ما تبقى بالشكل دة
  3. ابتدى اخد جزء من الخليط وافردة على كف ايدى واحط البيضة جواة واقفل بعد كدة كويس واضغط وما اخلى اى فراغات
  4. لغاية ما اوصل للكور الصغيرة دى
  5. ابتدى احطها بصنية فيها شوية زيت بسيط خالص وما اقلب فيها اسبها وهى هتنزل المياة الزيادة اللى فيها ولما تاخد لون اقلبها بخفة وبراحة للجهة التانية تاخد وش
  6. بعد كدة اغطيها بورق فويل وادخلها الفرن لمدة ربع ساعة اخرجها هتبقى بالشكل دة اسبها تبرد وبعد كدة اقطعها وازوقها بالطماطم والبقدونس حلوة اووى اوووى يارب طريقتى تعجبكم واشوفكم بوصفة جديدة بحبكم جدآ جدآ جدآ 💖💖💖💖💗💗💗💗💗💓💓💓💓💞💞💞💞💞😘😘😘😘😘😘
عجبتك الوصفة؟
شوف كل وصفاتنا في مكان واحد
كل الوصفات →