→ كل الوصفات
#المريول_العالمي
المقادير
- 3 بيضات
- رشة فانيليا
- كوب سكر ناعم
- 1/4 كوب زيت
- 1/4 كوب زبدة
- كوب ونصف دقيق
- ملعقة ونصف صغيرة بيكنج بودر
- 1/4 كوب حليب
- معلقتين كبار كاكاو خام
- رشة ملح
- شوكولاته للتزيين
طريقة التحضير
- هنشتغل الفرن قبل ما نبدأ على درجة حرارة ١٨٠
- وهنجيب طبق غويط او بوله ونحط فيه ٣ بيضات ورشة فانيليا وكوب سكر بودرة(سكر ناعم) هنضربهم بالمضرب الكهربائي مدة كويسه لحد ما يفتح لون الخليط بالشكل ده
- هنضيف الزبدة والزيت لخليط الكيكة ونكمل خفق
- هنجيب طبق نحط فيه الدقيق والبيكنج بودر ورشة ملح ونخلطهم كويس ونبدأ ننزلهم على الخليط السائل بالتدريج ننزل الدقيق واحدة واحدة ونقلبهم بالمعلقة او بالمضرب اليدوي لحد ما نحصل على خليط متجانس وآخر حاجه هنضيف ربع كوب حليب دافي
- هنقسم الخليط نصين واحد ساده والتاني هنضيف له معلقتين كاكاو خام
- هنجيب قالب الكيكه انا استخدمت قالب الانجلش كيك وندهنه سمنه وننزل بنص الخليط الساده وبعدها نص خليط الشوكولاتة لحد ما نخلص كل الكميةونستخدم خلة الأسنان بشكل عشوائي بالشكل ده
- هندخل الكيكه الفرن رف وسط وبعد كام دقيقة ونختبر نضجها من النص بخلة الاسنان لو خرجت نضيفه تبقى الكيكة استوت بعد ما نخرجها من الفرن وتبرد شوية هنزينها بصوص الشوكولاتة وده الشكل النهائي وبألف هنا 👏👏🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد